ބީއެމްއެލްގެ ޗެއާމަންކަމުގެ މާގަމަށް ރައީސް އޮފީހުގެ ކެބިނެޓް ސެކްރެޓަރީގެ މަގާމުގައި ހުންނެވި އަހުމަދު އަލީ ހަބީބު އައްޔަނުކުރުމަށް ސަރުކާރުން ހުށަހަޅައިފިއެވެ.
ބީއެމްއެލުން އަންނަ ހޮނިހިރު ދުވަހު ބޭއްވުމަށް ނިންމާފައިވާ އެކްސްޓާ އޯޑިނަރީ ޖެނެރަލް މީޓިން ވަނީ ހުސްވެފައިވާ ޑިރެކްޓަރުންގެ މަޤާމަށް މީހުން އައްޔަނުކުރުމަށް ނިންމާފައިވާއިރު، ސަރުކާރުން ވަނީ، ބީއެމްްއެލްގެ ޗެއާމަނަކަށް ހަމަޖެއްސުމަށް ޕްރައިވެޓައިޒޭޝަން އެންޑް ކޯޕަރައިޓޭޝަން ބޯޑަށް އަހުމަދު އަލީ ހަބީބުގެ ނަން ހުށަހަޅާފައެވެ.
ސަރުކާރުން ވަނީ މީގެކުރިން ބީއެމްއެލްގެ ބޯޑަށް މުހައްމަދު ޝާހިދާއި އަލީ އިރުފާން އައްޔަންކުރަންވެސް ހުށަހަޅާފަ އެވެ.
ބީއެމްއެލްގެ ބޯޑުގައި 11 ބޭފުޅުން ތިއްބަވާއިރު މީގެތެރޭގައި ހިމެނެނީ އާންމު ހިއްސާދާރުން ތަމްސީލް ކުރާ ތިން ބޭފުޅަކާއި ސަރުކާރު އައްޔަންކުރާ 8 ބޭފުޅެކެވެ.
މިފަހުން ބީއެމްއެލްގެ ސީއީއޯ އަދި މެނޭޖިން ޑިރެކްޓަރުގެ މަގާމުގައި ހުންނެވި ކާލް ސްޓުމްކަ ވަނީ އިސްތިއުފާ ދެއްވައިފަ އެވެ.
Advertisement
This content is created and paid for by advertisers and does not involve Voice Journalists
