Raees Dr.Muizzu ge ilthimaaseh; "Dhiriulhumakee agu huri ehcheh, rakkaatherikamaai eku dhuvva!"

މާނަފުން ވީޑިއޯއަކާއެކު ރައީސް ޑރ.މުޢިއްޒުގެ އިލްތިމާސެއް؛ "ދިރިއުޅުމަކީ އަގުހުރި އެއްޗެއް، ރައްކާތެރިކަމާއެކު ދުއްވާ!"

18 Sep 2024 | 10:51

ރައީސް ޑރ.މުޙައްމަދު މުޢިއްޒު-- ފޮޓޯ: ރައީސް އޮފީސް

މަގުމަތީގައި ރައްކާތެރިކަމާއި އެކު ދުއްވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އިލްތިމާސް ކުރައްވައިފިއެވެ.

ރައީސް ޑރ.މުޢިއްޒު މިފަދައިން އިލްތިމާސްކުރައްވާފައިމިވަނީ އެކްސްގައި ކުރެއްވި ޕޯސްޓެއްގައެވެ. މި ޕޯސްޓްގައި އެމަނިކުފާނު ވަނީ "މާކަނާ ޝޯ" އުފެއްދި ޔާމީން ރަޝީދުގެ ސެލްމިން އެނިމޭޝަން ސްޓޫޑިއޯ އިން މަގުމަތީގެ ރައްކާތެރިކަމާ ގުޅޭ ގޮތުން ތައްޔާރުކުރި އިބުރަތްތެރި އެނިމޭޓެޑް ވީޑިއޯއެއްވެސް ހިއްސާކުރައްވާފައެވެ.

މި ޕޯސްޓްގައި ރައީސް ޑރ.މުޢިއްޒު ވިދާޅުވީ، މަގުމައްޗަކީ ރައްކާތެރި ތަނެއްގެ ގޮތުގައި ހެދުމަށް އެންމެންވެސް ގުޅިގެން މަސައްކަތް ކުރަން ޖެހޭ ކަމަށާއި، އެމީހަކު ފަރުވާ ކުޑަވެގެން ހެދޭ ގޯހެއް ރަނގަޅު ކުރުމަށް ދެވަނަ ފުރުސަތެއް ނުލިބިދާނެ ކަމަށެވެ.

ރައީސް ޑރ.މުޢިއްޒު މިފަދައިން ވިދާޅުވިއިރު، ދާދި ފަހުން ކައިރި ކައިރީގައި ނުރައްކާތެރި އެކްސިޑެންޓްތަކެއް ހިނގައި 2 މީހެއްގެ ފުރާނަ ވެސް ވަނީ ގެއްލިފައެވެ.

މިފަދަ ނުރައްކާތެރި އެކްސިޑެންޓްތައް ހުއްޓުވުމަށް ފުލުހުން ހާއްސަ މަސައްކަތްތަކެއް ކުރަމުން އަންނައިރު، ސަރުކާރުން ވެސް ވަނީ މަގުމަތީގެ ރައްކާތެރިކަން ކަށަވަރުކުރުމަށް ފިޔަވަޅުތަކެއް އަޅަން ފަށާފައެވެ.

ހަބަރު

ރައީސް ޑޮކްޓަރ މުޙައްމަދު މުޢިއްޒު