ސިންގަޕޫރުގެ ކުންފުންޏަކުން ރާއްޖޭގައި ލިކުއިފައިޑް ނެޗުރަލް ގޭސް (އެލްއެންޖީ) ބޭނުންކޮށްގެން ކަރަންޓު އުފައްދާ ނިޒާމެއް ޤާއިމުކުރަން ހުށަހަޅައިފިއެވެ.

މޫސުމީ ބަދަލުތަކާއި، ތިމާވެށްޓާއި، ހަކަތައާ ބެހޭ ވުޒާރާއިން ބުނީ، ސިންގަޕޫރުގެ ކުންފުންޏެއް ކަމަށްވާ ޗީ އެނަރޖީ ކުންފުނިން ވަޒީރު ޠާރިޤް އިބްރާހީމް އާއި އެ ވުޒާރާގެ އިސް ބޭފުޅުންނާ ބައްދަލުކޮށް، މިކަމަށް ހުށަހަޅާފައިވާ ކަމަށެވެ.

އެ ވުޒާރާއިން ބުނީ، މި ބައްދަލުވުމުގައި ޗީ އެނަރޖީގެ ފަރާތުން ހުށަހެޅި ޕްރޮޕޯސަލްގައި، ރާއްޖޭގައި މޮޑިއުލަރ އެލްއެންޖީ ބޭނުންކޮށްގެން ކަރަންޓު އުފައްދާ ނެޓްވޯކެއް ޤާއިމުކުރުމުގެ ވާހަކަ ހިމެނޭ ކަމަށާއި، މިފަދަ ނިޒާމެއް ޤާއިމުކުރުމުން، ރާއްޖޭގެ ހަކަތައިގެ ދާއިރާއަށް ބޮޑު ކުރިއެރުމެއް ލިބި، ތިމާވެއްޓާ ރައްޓެހި ގޮތެއްގައި ކަރަންޓު އުފެއްދުމަށް މަގުފަހިވެގެންދާނެ ކަމަށް ބެލެވޭ ކަމަށެވެ.

Advertisement

 ޗީ (ސިންގަރޕޫރ) އެނަރޖީގެ ފަރާތުން ހުށަހެޅި މި ޕްރޮޕޯސަލްއާ ގުޅޭގޮތުން އިތުރު މަޝްވަރާތައް ކުރިއަށް ގެންދިއުމަށް ނިންމާފައިވާކަމަށް ތިމާވެއްޓާއި ބެހޭ ވުޒާރާއިން މައުލޫމާތުދެއެވެ.