ރާއްޖެގެ އުތުރުން ދަތުރުކުރާ ބޯޓުފަހަރަށް ބޭނުންވާ މެރިޓައިމް ޚިދުމަތްތައް ދިނުމަށް އިންޓަރނޭޝަނަލް ޝިޕް އެންޑް ޕޯޓް ފެސިލިޓީ ސެކިއުރިޓީ (އައިއެސްޕީއެސް) ގޭޓް އިފްތިތާޙްކޮށްފިއެވެ. 

މި ގޭޓް އިފްތިތާހް ކޮށްދެއްވާފައިވަނީ ދައުލަތަށް ގިނަ ދުވަހު ހިދުމަތް ކުރައްވާފައިވާ ޖަސްޓިސް ރިޓަޔަރޑް އަލްއުސްތާޛް އިދުރީސް އާދަމެވެ.

އުތުރުގައި އޮފް ޝޯ ބަންކަރިން ޚިދުމަތް އެމްޕީއެލްއާއި އެސްޓީއޯ ގުޅިގެން ދޭއިރު، ބޯޓުތަކަށް ބޭނުންވާ އެހެނިހެން ހުރިހާ ޚިދުމަތެއް އެމްޕީއެލް އިން ދިނުމަށް ވަނީ ހަމަޖެހިފައެވެ.

Advertisement

އެމްޕީއެލްއިން މި ޚިދުމަތް ދިނުމަށްޓަކައި މިހާރު އެކަމަށް ހާއްސަ ވެބްސައިޓެއްވެސް ތައާރަފްކޮށްފައިވާއިރު، މެރިޓައިމްގެ ޚިދުމަތް ދޭނީ އުލިގަމުގައި ޤާއިމްކޮށްފައިވާ ޕޯޓް ފެސިލިޓީ މެދުވެރިކޮށެވެ.

މެރިޓައިމް ހިދުމަތުގެ އިތުރުން އެމްޕީއެލުން ފޯރުކޮށްދޭ ހިދުމަތްތަކުގެ ތެރޭގައި، ޕައިލޮޓޭޖް ޚިދުމަތް، ބޯޓު ކްރިއު ބަދަލު ކުރުމުގެ ޚިދުމަތް އަދި މެއިންޓެނަންސް ޚިދުމަތާއި އަޑި ތެޔޮ ފޯރުކޮށްދިނުން ފަދަ އެތައް ހިދުމަތެއް ހިމެނެއެވެ.