އިސްރާއިލުން ލުބުނާނުގެ ވެރިރަށް، ބޭރޫތު އަށް ހަމަލާދީ 37 މީހުން ޝަހީދުކޮށްލައިފިއެވެ.
މީހުން ސަލާމަތް ކުރުމަށް މަސައްކަތްކުރާ ފަރާތްތަކުންނާއި ކަމާ ބެހޭ ފަރާތްތަކުން ބުނާ ގޮތުގައި މިއީ އިސްރާއީލުން ހިޒްބުﷲގެ ކޮމާންޑަރުންނަށް އަމާޒުކޮށް ދިން ހަމަލާއެކެވެ.
މި ހަމަލާ އާއި ގުޅިގެން ހިޒްބުﷲއިން ބުނީ އެ ޖަމާޢަތުގެ 16 މެންބަރުން މަރުވެފައިވާ ކަމަށާއި، މީގެ ތެރޭގައި އެ ޖަމާއަތުގެ އިސް ލީޑަރެއް ކަމަށްވާ އިބްރާހީމް ޢަޤީލް އާއި ކޮމާންޑަރެއް ކަމަށްވާ އަޙްމަދު ވަހްބީ ހިމެނޭ ކަމަށެވެ.
ލުބުނާނުގެ ސެކިއުރިޓީ މަސްދަރެއް ބުނާ ގޮތުގައި މި ހަމަލާގައި އެތައް ބަޔަކު ދިރިއުޅެމުންދިޔަ އުސް ޢިމާރާތެއް ބިމާއި ހަމަކޮށްލާފައިވާއިރު، އެ ސަރަހައްދުގައި ހުރި ކުޑަކުދިންގެ ނާސަރީއަކަށް ގެއްލުން ލިބިފައިވެއެވެ. ލުބުނާނުގެ ހެލްތު މިނިސްޓްރީން ބުނާ ގޮތުގައި މިހަމަލާގައި ޝަހީދުވި މީހުންގެ ތެރޭގައި 3 ކުދިންނާއި 7 އަންހެނުން ހިމެނެއެވެ.
އެއާއިއެކު، ޔަހޫދީން ދެމުންދާ ހަމަލާތަކުގައި ލުބުނާނުގައި ޝަހީދުވި މީހުންގެ އަދަދު 39 އަށް އަރާފައިވާއިރު، 3000 އަށް ވުރެ ގިނަ މީހުން ވަނީ ޒަހަމް ވެފައެވެ.
Advertisement
This content is created and paid for by advertisers and does not involve Voice Journalists
