ކަނޑުއޮތްގިރި ހުސްކުރަން ދިން މުއްދަތު އެއް މަސް ދުވަހަށް އިތުރުކޮށްފިއެވެ.
މިފްކޯއިން ބުނީ، ކަނޑުއޮތްގިރި ހުސްކުރުމަށް އެއެމްއެންޑީއެފްއިން ފުރަތަމަ މުއްދަތު ދިނީ މިމަހުގެ 15 ވަނަ ދުވަހާ ހަމައަށް ނަމަވެސް އެ މުއްދަތު އަންނަ މަހުގެ 15 ވަނަ ދުވަހަށް އިތުރުކޮށްފައިވާކަމަށެވެ.
މިފްކޯއިން ބުނީ، ހެވީ ޑިއުޓީ އިކުއިޕްމެންޓް ހިމެނޭ ބައެއް މުދާތައް އެތަނުގައި ހުރުމުން އެތަކެތި ނެގުމަށް ލޭންޑިންގ ކްރާފްޓާއި ކްރޭން ބޭނުންކުރަންޖެހޭތީ އެމަސައްކަތަށް ލަސްތަކެއް އައިސްފައިވާތީ، އެމްއެންޑީއެފުން އެ މުއްދަތު އިތުރުކޮށްދީފައިވާތީ، އެ އެމަސައްކަތް މިހާރު ކުރިއަށް ގެންދެވޭ ގޮތް ވެފައިވާކަމަށެވެ.
މިފްކޯއިން ބުނި ގޮތުގައި، ކަނޑުއޮތްގިރީގައި މިފްކޯއިން ކުރަމުންގެންދިޔަ މަސައްކަތްތައް ފެލިވަރަށް ބަދަލުކޮށް އޮޕަރޭޝަންތައް ކުރިއަށް ގެންދިޔުމަށް ތައްޔާރުވަމުން އަންނައިރު، އެ މަސައްކަތްތައް މިހަފްތާގައި ފެށޭނެއެވެ.
މިފްކޯއިން މަސް ބަންދުކުރާ ކާރުޚާނާއެއްގެ ގޮތުގައި ހިންގަމުންދިޔަ ކ. ކަނޑުއޮތްގިރި އެމްއެންޑީއެފްއާ ހަވާލުކޮށްފައިވާކަން ފިޝަރީޒް މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި ފިޝަރީޒް މިނިސްޓަރު އަހްމަދު ޝިޔާމް ހާމަކުރެއްވީ މިދިޔަ އޮގަސްޓްމަހުގެ 21 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
