އެމްޑީޕީގެ އަންހެނުންގެ ރޫހުގެ ހިންގާ ކޮމިޓީ އަށާއި، ޒުވާނުންގެ ހިތްވަރުގެ ހިންގާ ކޮމިޓީއަށް ކުރިމަތިލާން ހުޅުވާލައިފިއެވެ.

އެ ޕާޓީގެ އަންހެނުންގެ ރޫހުގެ ހިނގަމުންދާ ދައުރުގެ ހިންގާ ކޮމިޓީއަށް ކޮންމެ ސިޓީއަކާއި އަދި ކޮންމެ އަތޮޅަކުން މެންބަރެއް ހޮވަން ކުރެވުނު އިއުލާނާއި ގުޅިގެން، ކުރިމަތިނުލާ ހުރި ސިޓީތަކާއި އަތޮޅުތަކުން ކުރިމަތިލާން ބޭނުންވާ އެ ޕާޓީއަށް ނިސްބަތްވާ  އަންހެނުންގެ ރޫހުގެ މެންބަރުންނަށް ފުރުސަތު ހުޅުވާލާފައިވާކަމަށެވެ. މިގޮތުން ޝައުގުވެރިކަން ހުރި މެމްބަރުން އަންނަ އޮކްޓޯބަރުމަހުގެ 3 ވާ ބުރާސްފަތި ދުވަހުގެ 14:00 ގެ ކުރިން ފޯމް ފުރިހަމަ ކުރުމަށްފަހު ހުށަހެޅުމަށް އެމްޑީޕީން ވަނީ އެދިފައެވެ.

ޒުވާނުންގެ ހިތްވަރުގެ ހިނގަމުންދާ ދައުރުގެ ހިންގާ ކޮމިޓީއަށް ކުރިމަތިލުމުގެ ފުރުސަތު ހުޅުވާލަނީވެސް ހަމަ އެތާރީހާ ހަމަޔަށެވެ.

އިލެކްޝަން ކޮމިޝަނުގެ ތަފާސްހިސާބުތައް ދައްކާގޮތުން އެމްޑީޕީއަކީ އަދިވެސް އެންމެ މެމްބަރުން ގިނަ ޕާޓީއެވެ. އެޕާޓީގެ ދަފްތަރުގައި 50،851 މެމްބަރުން އެބަތިއްބެވެ.