މަސްތުވާތަކެތި ހުރި ކަމަށް ޝައްކުކުރެވޭ ސެލޯފިން ކޮތަޅުތަކެއް މަގުމައްޗަށް އުކާލި މީހަކު ހައްޔަރުކޮށްފިއެވެ.

ފުލުހުން ބުނީ، 26 ސެޕްޓެމްބަރު 2024 ވަނަ ދުވަހުގެ މެންދުރުފަހު 14:25 ހާއިރު ހުޅުމާލެ ފްލެޓް 4 ކައިރިން ހިނގާފައި ދިޔަ މީހަކު މަސްތުވާތަކެތި ކަމަށް ޝައްކުކުރެވޭ 3 ސެލޯފިން ކޮތަޅު އެއްލާލި ތަން، އެތަނުން ޕެޓްރޯލްކުރަމުން ދިޔަ ފުލުހުންނަށް ފެނިފައިވާ ކަމަށެވެ.

އަދި އޭނާ ހުއްޓުވައި ސުވާލުކޮށް ބޮޑީ ޗެކް ކުރަން އެދުމުން ގަދަހަދައި ފުލުހުންގެ ދައުރު އަދާކުރުމަށް ހުރަސް އަޅާފައިވާތީ ފުލުހުން ބާރުގެ ބޭނުންކޮށްގެން އޭނާ ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.

Advertisement

އެގޮތުން މި މައްސަލައިގައި ހައްޔަރުކޮށްފައިވަނީ މާލޭ މ. ސަލާސާ އެޑްރެހުގައި ދިރިއުޅޭ 31 އަހަރުގެ މޫސާ ފާޟިލް ކަމަށް ފުލުހުން ވަނީ ހާމަކޮށްފައެވެ.

މި މައްސަލަ ފުލުހުން ދަނީ ތަޙުޤީޤުކުރަމުންނެވެ.