ބްރެޒިލްގެ މުދާ އުފުލާ އަދި ޗާޓަރ އެއަރލައިނެއްކަމަށްވާ ޓޯޓަލް ލިންހާސް އެއެރިއާސް އިން ޗައިނާގައި އުފައްދާ ކޮމެކް މަތިންދާބޯޓް ގަތުމަށް ނިންމައިފިއެވެ.
ޓޯޓަލް ލިންހާސް އެއާލައިނުގެ މި ނިންމުމާއެކު އެ އެއާލައިން ވެގެންދާނީ، ކޮމެކްގެބޯޓުތައް ބޭނުންކުރާނޭ ޗައިނާއިން ބޭރު ފުރަތަމަ އެއާލައިނަށެވެ.
ކޮމެކްއިން ދުނިޔޭގެ މަތިންދާބޯޓުގެ މާރކެޓަށް ވަނުމަށް މަސައްކަތް ކުރަމުންދާއިރު، ޓޯޓަލް އާއި ކޮމެކް އާ ދެމެދު އެތައް މަހެއް ވަންދެން މަޝްވަރާތައް ކުރިއަށް ގެންގޮސްފައިވާކަމަށް އެއަރލައިންގެ ކޮންޓްރޯލިންގ ޕާޓްނަރ ޕައުލޯ އަލްމަދާ ވިދާޅުވިއެވެ.
ޕައުލޯ އަލްމަދާ ވިދާޅުވީ، އޮކްޓޯބަރު މަހު ކޮމެކްއަށް ކުރުމަށް ނިންމާފައިވާ ދަތުރުގައި، މަތިންދާބޯޓު ގަތުމާ ބެހޭގޮތުން މަޝްވަރާ ކުރުމަށް ހަމަޖެހިފައިވާ ކަމަށެވެ.
އަލްމަދާ ވިދާޅުވި ގޮތުގައި އާ އެއާލައިނެއް ހޯދުމަށް މަޖުބޫރުވީ އެއަރބަސް އަދި ބޯއިންގ ފަދަ ހުޅަނގުގެ އާންމު އުފެއްދުންތެރިންނަށް ސަޕްލައި ޗެއިންގެ ދަތިތަކާ ކުރިމަތިލާންޖެހުމާއެކު އައު މަތިންދާބޯޓުތަކަށް ހުރި ޑިމާންޑް ފުއްދައިނުދެވުމުގެ ސަބަބުންނެވެ.
ޗައިނާގެ ސީ919 މަރުކާގެ ބޯޓްތައް މިހާރުވެސް ބައެއް އެއާލައިންތަކުން ބޭނުންކުރަމުންދެއެވެ. އެކަމު އެއީ މުޅިންވެސް ޗައިނާގެ އެއާލައިންތަކެވެ.
Advertisement
This content is created and paid for by advertisers and does not involve Voice Journalists
