ޗައިނާ ދެ ފަތުރުވެރިއެއްގެ ދަބަސް ވަގަށް ނަގައި ދަބަހުގައި ހުރި ތަކެތި ވިއްކާލި މީހަކު ހައްޔަރުކޮށް އެ ތަކެތި ފުލުހުން ހޯދައިފިއެވެ.

ފުލުހުން ބުނީ، މެރީ ބްރައުންއާ ދިމާ އިން ބޮޑުތަކުރުފާނު މަގު ބުރު މަތީގައި ޗައިނާ ދެ ފަތުރުވެރިއެއްގެ ދަބަސް ހަނދާން ނެތި ބޭއްވިފައިވަނިކޮށް ގެއްލިފައިވާ ކަމަށް ސެޕްޓެމްބަރ 28 ވަނަ ދުވަހު 19:12 އެހައިކަންހހާއިރު ރިޕޯޓް ކޮށްފައިވާ ކަމަށެވެ.

މި މައްސަލައާ ގުޅިގެން ދަބަސް ހޯދުމަށް ގަލޮޅު ޕޮލިސްގެ ފުލުހުން ކުރި މަސައްކަތުން 22:15 އެހައިކަންހާއިރު ދަބަސް ހޯދައި ވެރިފަރާތާ ހަވާލުކޮށްފައިވާ ކަމަށް ފުލުހުން މައުލޫމާތު ދެއެވެ.

Advertisement

އަދި ދަބަހުގައި ހުރި ބައެއް ތަކެތި ހޯދާފައިވަނީ ވިއްކާލާފައި ވަނިކޮށް ކަމަށާ، ދަބަހުގައި ހުރި ތަކެތީގެ ތެރޭގައި ލެޕްޓޮޕް، ހާޑް ޑްރައިވް، ޕަވަރ ބޭންކް، ޕާސްޕޯޓް އަދި އަންނައުނާއި އެހެނިހެން ތަކެތި ހިމެނޭ ކަމަށްވެސް ބުނެފައިވެއެވެ.

މި މައްސަލައާ ގުޅިގެން ގދ. ތިނަދޫ / ރަންފަރު، ޒަބީޙް މުޙައްމަދު (41 އ) ވަނީ ވަނީ ހައްޔަރުކޮށްފައެވެ.

މި މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.