އައްޑޫ ސިޓީގެ ގުޅިފައިވާ ރަށްތަކަށް ފެން އުފައްދާ އާރުއޯ ޕްލާންޓަށް ދިމާވި މައްސަލަ ޙައްލުކޮށް، އޮޕަރޭޝަނަށް ގެނެސްފިއެވެ.

އައްޑޫ ސިޓީގެ ގުޅިފައިވާ ރަށްތަކަށް ފެން އުފައްދާ އާރުއޯ ޕްލާންޓުގެ ބޯރހޯލް ޕަންޕަށް ދިމާވި މައްސަލައަކާ ގުޅިގެން ޕްލާންޓް އޮޕަރޭޝަން މިއަދުގެ ހެނދުނުގެ ވަގުތެއްގައި ހުއްޓުނެވެ.

އެކަން ހާމަކޮށް ކުރިން ފެނަކައިން ކުރި ޕޯސްޓެއްގައި ބުނީ، އެ މައްސަލަ ޙައްލު ވަންދެން ފެން އުފެއްދުން ހުއްޓިފައިވާތީ، އައްޑޫ ސިޓީގެ ގުޅިފައިވާ ރަށްތަކަށް ފޯރުކޮށްދޭ ފެން ހުސްވެ، ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ.

Advertisement

އަދި މައްސަލަ ހައްލު ކުރުމަށް ފެނަކައިން މަސައްކަތް ފަށައި، ޚިދުމަތް ކެނޑުނުތާ ގާތްގަނޑަކަށް ގަޑިއިރެއް ނުވަނީ މައްސަލަ ވަނީ ހައްލުކޮށްފައެވެ.  

އެކަން ހާމަކޮށް ފެނަކައިން އެކްސްގައި ކުރި ޕޯސްޓެއްގައި ވަނީ މައްސަލަ ޙައްލު ކުރުމަށް އިމާރާތް ކުރުމާއި ބިނާރާ ބެހޭ ވުޒާރާ އަދި އައްޑޫގެ އެމްޑަބްލިޔުއެސްސީ ގެ ފަރާތުން ދެއްވި އަވަސް އެހީތެރިކަން ފާހަގަކޮށްފައެވެ.

އަދު ކަސްޓަމަރުންގެ ފަރާތުން ދެމުންދާ އެއްބާރުލުމަށްވެސް ވަނީ ޝުކުރު އަދާކޮށްފައެވެ.