ހުޅުމާލޭ ތިންވަނަ ފިޔަވަހީގެ ހުސް ބިންތަކުގައި ހުރި ތަކެތި ނަގަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން އަނެއްކާވެސް އަންގައިފިއެވެ.
އެޗްޑީސީން ކުރި އިއުލާނެއްގައި ބުނީ، އެތަކެތި ނެގުމާއި ގުޅޭ ގޮތުން މީގެ ކުރިން ދެފަހަރު އިއުލާނު ކުރި ނަމަވެސް، އެއިއުލާނަށް ގިނަ ފަރާތްތަކުން އިޖާބަދީފައިނުވާ ކަމަށެވެ.
އެޗްޑީސީން ބުނީ، ހުޅުމާލޭގެ ތިން ވަނަ ފިޔަވަހީގެ ބިންތަކުގައި ގަވާއިދާއި ހިލާފަށް މުދާ ބަހައްޓައި، ބައެއް ފަރާތްތަކުން އަދިވެސް އެ ބިންތައް ބޭނުންކުރަމުންދާ ކަމަށެވެ.
އެހެންކަމުން އެޗްޑީސީން ވަނީ ހުޅުމާލޭގެ ތިން ވަނަ ފިޔަވަހީގައި ގަވާއިދާއި ހިލާފަށް ބަހައްޓާފައިވާ މުދަލާއި ތަކެތި އޮކްޓޫބަރު މަހުގެ 11 ވާ ހުކުރު ދުވަހުގެ ކުރިން ނެގުމަށް އަންގާފައެވެ.
އެ މުއްދަތުގެ ތެރޭގައި އެތަކެތި ނުނަގައިފި ނަމަ، އެއީ ވެރިފަރާތްތަކުން ބޭނުން ނެތިގެން ދޫކޮށްލާފައިވާ ތަކެތި ކަމަށް ބަލައި، އެފަދަ ތަކެއްޗާ މެދު އަމަލުކުރުމަށް ހަމަޖެހިފައިވާ ގޮތުގެ މަތިން އަމަލު ކުރެވޭނެ ކަމަށާއި، އެ މަސައްކަތުގެ ތެރެއިން މުދަލަށް ނުވަތަ ތަކެއްޗަށް ލިބިދާނެ ގެއްލުމަކަށް ޒިންމާނުވާނެ ކަމަށް އެ ކޯޕަރޭޝަނުން ބުނެއެވެ.
Advertisement
This content is created and paid for by advertisers and does not involve Voice Journalists
