"ތާޒަ އައްޑޫ ޖޫނިއަރ އޯޕަން ބެޑްމިންޓަން ޗެންޕިއަންޝިޕް 2024" ގައި ވާދަކުރި ނައިފަރު ބެޑްމިންޓަން ޓީމުން ގިނަ ރަންވަނަތަކެއް ހޯދައިފިއެވެ.

29 ސެޕްޓެންބަރު 2024 އިން 03 އޮކްޓޯބަރު 2024 ގެ ނިޔަލަށް އައްޑޫ ސިޓީގައި މުޅި ރާއްޖެއަށް ހުޅުވާލެވިގެން ކުރިއަށް ގެންދިޔަ މިމުބާރާތުގައި މިއަހަރު ޅ. ނައިފަރުގެ އިތުރުން ނ.ހޮޅުދޫ، ބ. އޭދަފުށި އަދި މާލޭ ސިޓީ އިން ވަނީ ޓީމުތައް ބައިވެރިވެފައެވެ.

ނައިފަރު ޓީމުގެ ފަރާތުން ރަޝްވާން އަހުމަދު ވޮއިސް ސްޕޯޓްސްއަށް މައުލޫމާތު ދިން ގޮތުގައި މިމުބާރާތުގައި ވާދަކުރި ނައިފަރު ޓީމުގައި 24 ކުޅުންތެރިން ހިމެނުނުއިރު، އޭގެތެރޭގައި ހިމެނެނީ 16 ފިރިހެން ކުޅުންތެރިންނާއި އަށް އަންހެން ކުޅުންތެރިންނެވެ. އަދި 10، 13، 15 އަދި 18 އަހަރުން ދަށުގެ ސިންގަލް އަދި ޑަބަލްސް އިވެންޓުގައި މިކުޅުންތެރިން ވަނީ ވާދަކޮށްފައެވެ.

Advertisement

އެގޮތުން 13 އަހަރުން ދަށުގެ އަންހެން ސިންގަލްސް ޗެމްޕިއަންކަން އާމިނަތު އައިނީ އަޝްރަފް ހޯދިއިރު، ސާރާ ޖަލާލް ވަނީ 15 އަހަރުން ދަށުގެ އަންހެން ސިންގަލްސް ދެވަނަ ހޯދާފައެވެ. އަދި 15 އަހަރުން ދަށުގެ އަންހެން ޑަބަލްސް ޗެމްޕިއަންކަން ހޯދީ އާމިނަތު އައިނީ (އަޝްރަފް / ސާރާ ޖަލާލް) އެވެ.

މީގެ އިތުރުން 15 އަހަރުން ދަށުގެ ފިރިހެން ސިންގަލްސް ޗެމްޕިއަންކަން އިބްރާހިމް ނާޝިތު ހަމްދީ ހޯދިއިރު، ދެވަނަ ހޯދީ މުހައްމަދު ޔާޒިން ޔާސިރު އެވެ. އަދި 15 އަހަރުން ދަށުގެ ފިރިހެން ޑަބަލްސް ޗެމްޕިއަންކަން ހޯދީ (އިބްރާހިމް ނާޝިތު ހަމްދީ/ ހުސައިން މިސްކް މުހައްމަދު) އެވެ.

18 އަހަރުން ދަށުގެ އަންހެން ސިންގަލްސް ދެވަނަ އާމިނަތު ނައުރާ ޝަރުވަތު ހޯދިއިރު، 18 އަހަރުން ދަށުގެ ފިރިހެން ސިންގަލްސް ޗެމްޕިއަންކަން ހޯދީ މުހައްމަދު ޝިފާއު އެވެ. އަދި މިއިވެންޓްގެ ދެވަނަ ހޯދީ އަޙްމަދު ޔުސްރޫ އެވެ.

މީގެ އިތުރުން 18 އަހަރުން ދަށުގެ ފިރިހެން ޑަބަލްސް ޗެމްޕިއަންކަން (އަހުމަދު ޔުސްރު/މުހައްމަދު ޝިފާއު) ހޯދިއިރު، 18 އަހަރުން ދަށުގެ އަންހެން ޑަބަލް ޗެމްޕިއަން ހޯދީ (އާމިނަތު ނައުރާ ޝަރުވަތު/މަރިޔަމް ރައުމް ތާހާ) އެވެ. އަދި މިކްސް ޑަބަލްސް 15 އަހަރުން ދަށުގެ ޗެމްޕިއަންކަން (އިބްރާހިމް ނާޝިތު ހަމްދީ/ އާމިނަތު އައިނީ އަޝްރަފް) ހޯދިއިރު މިކްސް ޑަބަލްސް 18 އަހަރުން ދަށުގެ ޗެމްޕިއަންކަން ހޯދީ އެޓީމުގެ (މުހައްމަދު ޝިފާއު އާއި ސާރާ ޖަލާލް) އެވެ.