އިސްރާއީލް މައްސަލާގައި މެދުއިރުމަތީގެ މަސްރަހު ގޯސްވުމާއި ގުޅިގެން ތެލުގެ އަގު އުފުލިއްޖެއެވެ.
ޔަހޫދީ ފައުޖުން އީރާނުގެ ހަކަތައިގެ ވަސީލަތްތަކަށް ހަމަލާއެއްދީފާނެ ކަމުގެ އިޝާރަތާއިއެކު، ޖެހިޖެހިގެން ހަތަރުވަނަ ދުވަހު ތެލުގެ އަގު މައްޗަށް އުފުލިފައިވާއިރު، ބައެއް ތެއޮ އުފައްދާ ބައެއް ޤައުމުތަކުން ވަނީ އުފައްދަމުން އަންނަ ތެލުގެ އަދަދު މަދުކޮށްލާފައެވެ.
ދުނިޔޭގެ ބާޒާރުގައި ތެއޮފީފާއެއްގެ އަަގު އިއްޔެ 78.66 ޑޮލަރަށް އަރާފައިވާއިރު، އަދި އެމެރިކާގެ ބާޒާރުގައިވެސް ވަނީ ތެލުގެ އަަގު އުފުލެންްް ފަަށާފަަައެވެ. މިއީ މިދިޔަަ ހަަަފްްްތާގައި ތެލުގެ އަަަގު ހުރި ނިސްބަތުން 6 އިންސައްތަ އުފުލިފަައިވާއިރު، އޯޕެކުންވެސް ވަނީ ތެލުގެ އަގު އުފުލިދާނެކަމުގެ އިންޒާރު ދީފައެވެ.
ބްލޫމްބަރގް ތެލުގެ ޗާޓް..
ތެލުގެ އަގު މިހާ ބޮޑަށް އުފުލިގެން ގޮސްފައިމިވަނީ، އިސްރާއީލުން އީރާނުގެ ތެލުގެ ވަސީލަތްތަކަށް ހަމަލާދީފާނެކަމުގެ އިޝާރާތެއް އެމެރިކާގެ ރައީސް ޖޯ ބައިޑެން ދިނުމާއި ގުޅިގެންނެވެ. މިގޮތުން އީރާނުގެ ތެލުގެ ވަސީލަތްތަކަށް ހަމަލާދިނުމަށް އިސްރާއީލަށް ތާއީދުކުރުމާއިމެދު އެގައުމުގެ އެންމެ ބޮޑު އެހީތެރިޔާ، އެމެރިކާއިން އެއްބާރުލުން ދިނުމާއިމެދު މަޝްވަރާ ކުރަމުންދާކަމަށް ބައިޑެން ވަނީ ބުނެފައެވެ.
ކުރިއަށްއޮތީ ފިނިމޫސުންކަމުން މެދުއިރުމަތީގެ މަޝްރަހު ފިނި ނުވެއްޖެނަމަ އެކަމުގެ އަސަރު މުޅި ދުނިޔެއަށް ކުރާނޭކަމަށް އިގްތިސާދީ މާހިރުން އަންނަނީ ބުނަމުންނެވެ. މިގޮތުން މެދުއިރުމަތީގައި ހަނގުރާމައެއް ފެށިއްޖެނަމަ އެކަމުގެ ސަބަބުން ވައިގެ ދަތުރުފަތުރަށް ވަރަށްބޮޑު ހީނަރުކަމެއް އައުމުގެ ފުރުސަތު ބޮޑުކަމަށް ބްލޫމްބަރގުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
