އީރާގުން އިސްރާއީލުގެ އުތުރަށް އަމާޒުކޮށް ދިން ޑްރޯން ހަމަލާތަކެއެއްގައި، ނިރުބަވެރިންގެ ފައުޖަށް ނިސްބަތްވާ 2 ސިފައިން މަރާލައި އިތުރު 24 ސިފައިން ޒަހަމްކޮށްލައިފިއެވެ.
އީރާގުގެ މި ހަމަލާގައި މަރުވެފައިވަނީ ސާޖަންޓް ޑެނިއަލް އަވީވް ހައިމް ސޯފަރ އާއި ކޯޕްރަލް ޓަލް ޑްރޯރއެވެ. މިއާއިއެކު، ޔަހޫދީ ފައުޖުން ހާމަކުރި ގޮތުގައި، މި ހަމަލާގައި އަނިޔާވި 24 ސިފައިންގެ ތެރެއިން ދެ ސިފައިންގެ ހާލަތު ވަރަށް ސީރިއަސްއެވެ.
އީރާގުން އިސްރާއީލަށް އަމާޒުކޮށް 2 ޑްރޯން ހަމަލާ ފޮނުވާލިއިރު، ނިރުބަވެރިންނަށް މަތަކުރެވުނީ އެންމެ ޑްރޯން އެކެވެ. އަނެއް ޑްރޯންވަނީ އިސްރާއީލުން ގަދަކަމުން ހިފާފައިވާ ސީރިއާގެ ގޯލަން ހައިޓްސްގައި ހުރި ސިފައިންގެ ބޭސް އެއްގައި ޖެހިފައެވެ.
މި ހަމަލާދިން އިރު، ނިރުބަވެރިންގެ އެއަރ ޑިފެންސް ސިސްޓަމްތަކަށް ޑްރޯން ޑިޓެކްޓް ނުކުރެވުމުގެ ސަބަބުން ރޮކެޓް އިންޒާރުގެ ސައިރަންތައް އެކްޓިވޭޓް ކުރުމަށް އެމީހުން ވަނީ ފެއިލްވެފައެވެ.
Advertisement
This content is created and paid for by advertisers and does not involve Voice Journalists
