ދާރިސް ޓީވީގެ ސްޓޭޝަން މެނޭޖަރ، އަލީ ރަމީޒުގެ ޔޫޓިއުބް އެކައުންޓް ހެކްކޮށްފައިވަނިކޮށް، އަލުން އަނބުރާ އިޔާދަކޮށްދީފިއެވެ.
އަލީ ރަމީޒުގެ ޔޫޓިއުބް އެކައުންޓް އަލުން އިޔާދަކޮށްދީފައިވަނީ، މިއަދުގެ ވަގުތެއްގައެވެ.
މިކަމާއި ގުޅިގެން ”ވޮއިސް“ އަށް މައުލޫމާތު ދެއްވަމުން އަލީ ބުނީ ޗެނަލް އިއާދަ ކުރެވުނު އިރު އޭގައި ހުރި ހުރިހާ ވީޑިއޯއެއްވެސް ހުރީ ފޮރުވާފަ ކަމަށެވެ. ނަމަވެސް މިހާރު ޔޫޓިއުބް އެކައުންޓްގައި ހުރި ހުރިހާ ވީޑިއޯތަކެއްވެސް ފެންނަން އެބަހުއްޓެވެ.
އަލީ ރަމީޒަކީ ރާއްޖޭގެ ޔޫޓިޔުބް ހިންގާ ފަރާތްތަކުގެ ތެރެއިން ސަބްސްކްރައިބާސް އެންމެ ގިނަ އެކައުންޓެވެ.
އަލީ ރަމީޒްގެ ޔޫޓިއުބް އެކައުންޓް ހެކްކޮށްފައިވަނީ އިއްޔެގެ ވަގުތެއްގައެވެ. ހެކްކުރުމަށްފަހު އަލީ ރަމީޒުގެ ޔޫޓިއުބް އެކައުންޓްގެ ނަން ވަނީ "ޔޫއެސް ޓެސްލާ" ނަމަށް ބަދަލުކޮށްފައެވެ. އަދި ކުރިންހުރި ވީޑިއޯތައްވެސް ވަނީ ނުފެންނަގޮތް ހަދާފައެވެ.
އަލީގެ ޔޫޓިއުބް ހެކްކުރުމާ ގުޅިގެން އޭނާ ވަނީ ރަސްމީކޮށް އެކަން ޔޫޓިއުބްގެ ސަމާލުކަމަށް ގެނެސްފައެވެ.
އަލީ ރަމީޒަކީ ރާއްޖޭގެ ގިނަބަޔަކު ވަރަށް އިހުތިރާމްކުރާ މީހެކެވެ. ރާއްޖޭގެ ފާހަގަކޮށްލެވޭ ޝަހްސިއްޔަތުންގެ ތެރެއިން ސޯޝަލް މީޑިއާގައި އެންމެބޮޑު ފޭން ބޭސްއެއްވެސް އޮންނަ އެކަކީ އަލީ ރަމީޒެވެ.
އިސްލާމީ ދައުވަތު ފެތުރުމުގައި އަލީ ރަމީޒު އަންނަނީ، ދީނީ އިލްމްވެރިންނާ ގުޅިގެން ގިނަ މަސައްކަތްތަކެއް ކުރަމުންނެވެ.
Advertisement
This content is created and paid for by advertisers and does not involve Voice Journalists
