ރަށްރަށުގެ ކަރަންޓަށް ދިމާވެފައިވާ މައްސަލަ ހައްލުކުރުމަށްޓަކައި، ފެނަކައިން 39 ޖަނެރޭޓަރު ސެޓު ގަތުމަށް ބިޑަށް ހުޅުވާލައިފިއެވެ.

ބިޑަށް ހުޅުވާލާފައިވަނީ ފެނަކައިން ވަކިވަކިން ކުރި އިއުލާންތަކެއްގައެވެ.

މިގޮތުން ފެނަކައިން ގަންނަން ބޭނުންވާ ޖަނަރޭޓަރު ތަކަކީ:

1) 250 ކިލޯވޮޓުގެ 7 ގަނެރޭޓަރު ސެޓް

2) 400 ކިލޯވޮޓްގެ 6 ޖަނެރޭޓަރު ސެޓް

3) 600 ކިލޯވޮޓްގެ 8 ޖަނެރޭޓަރު ސެޓް

4) 800 ކިލޯވޮޓްގެ 5 ޖަނެރޭޓަރު ސެޓް

5) 1000 ކިލޯވޮޓްގެ 6 ޖަނެރޭޓަރު ސެޓް

6) 1200 ކިލޯވޮޓްގެ 5 ޖަނެރޭޓަރު ސެޓް

7) 1600 ކިލޯވޮޓްގެ 2 ޖަނެރޭޓަރު ސެޓް

ފެނަކައިން ބުނީ، މި މަހުގެ 7 އިން 14 ގެ ނިޔަލަށް ބިޑުގައި ރަޖިސްޓްރީވެވޭނެ ކަމަށެވެ. މިއާއިއެކު، އެ ކުންފުނިން އަންދާސީ ހިސާބު ހުށަހަޅަން ހުޅުވާލާފައި ވަނީ މި މަހުގެ 15 އާއި 16 ގަ އެވެ.

މީގެ އިތުރުންވެސް ފެނަކައިން ބުނީ، ބިޑް ސެކިއުރިޓީ ހުށަހަޅުއްވަންވާނީ އަންދާސީ ހިސާބު ހުށަހަޅުއްވާ ކުންފުނީގެ ނަމުގައި ކަމަށާއި،  ރާއްޖެއިން ބޭރުގެ ފަރާތަކުން އީ.މެއިލް މެދުވެރިކޮށް ހުށަހަޅާ އަންދާސީ ހިސާބުތައް ބަލައިގަނެވޭނެކަމަށެވެ.