ޝިއާ ސީޑްސް އަކީ އޭގައި ސިއްހަތަށް ފައިދާހުރި އެތަކެއް މާއްދާތައް އެކުލެވޭ އެއްޗެކެވެ. މިއަދު ވޮއިސްގެ ބަދިގެއިން މި ގެނެސްދެނީ ޝިއާ ސީޑްސް އިން ތައްޔާރު ކުރެވޭނެ ސިއްޙަތަށް ފައިދާހުރި މީރު ޕުޑިން އެއްގެ ރެސިޕީއެވެ.
ބޭނުންވާ ތަކެތި:
½ ތަށި އަންސްވީޓެންޑް އަލްމަންޑް މިލްކް
2 މޭޒުމަތީ ސަމުސާ ޗިއާ އޮށް
½ ސައި ސަމުސާ މޭޕަލް ސިރަޕް
⅛ ސައި ސަމުސާ މުގުރި ފޮނިތޮށި
ޓޮޕިންގްސް:
ޗެރީ
ބްލޫބެރީ
ކުދިކޮށް ކޮށާފައިވާ ނަޓްސް
ކޮކަނަޓް ފްލޭކްސް
މޭޕަލް ސިރަޕް
ތައްޔާރުކުރާނެ ގޮތް:
1) މަތިޖެހޭ ޖާރ އެއް ނޫނީ ފުޅިއެއްގައި އަލްމަންޑް ކިރު، ޗިއާ އޮށް، މޭޕަލް ސިރަޕް އަދި ސިނަމަން އެއްކޮށްލާށެވެ. ދެން މަތިޖަހާފައި ރަނގަޅަށް ހަލުވާލާށެވެ.
އެއަށްފަހު ގަޑިއިރަކަށްވުރެ ގިނަ އިރު އެ މިކްސް ފިނިކޮށްލާށެވެ. އޭގެފަހުން އަނެއްކާވެސް ރަނގަޅަށް ހަލުވާލާށެވެ. އަނެއްކާވެސް 8 ގަޑިއިރު ނުވަތަ އޯވަރނައިޓް ފްރިޖުގައި ފިނިކޮށްލާށެވެ.
މޭވާ، ނަޓްސް، ކޮކަނަޓް ފްލޭކްސް އަދި މޭޕަލް ސިރަޕް ފަދަ ޓޮޕިންގްސް އާއެކު ކާލާށެވެ.
Advertisement
This content is created and paid for by advertisers and does not involve Voice Journalists
