ރާއްޖޭގެ ތިން ރަށެއްގައި އައިސްޕްލާންޓް ޤާއިމުކުރުމަށް އީއައިއޭ ހަދައިދޭނެ ފަރާތެއް ހޯދުމަށް މިފްކޯއިން އިޢުލާންކޮށްފިއެވެ.

މިގޮތުން މިކަމަށްޓަކައި މިފްކޯއިން އިއުލާނުކޮށްފައިވާ ތިން ރަށަކީ ދ. މީދޫ، ދ. ބަނޑިދޫ އަދި ށ. ފުނަދޫއެވެ.

މިފްކޯއިން ވަކިވަކިން ކުރި އިއުލާނުތަކެއްގައި ބުނީ، މި ތިން ރަށުގައި އަލަށް ގާއިމްކުރާ އައިސް ޕްލާންޓުތަކުގައި 30 ޓަނު އަދި އައިސް ސްޓޯރޭޖްގައި 50 ޓަނު ހުންނާނެކަމަށެވެ.

Advertisement

އެހެންކަމުން މި މަސައްކަތަށްޓަކައި އެންވަޔަރަމެންޓަލް އިމްޕެކްޓު އެސެސްމަންޓު (އީއައިއޭ) ހަދައިދޭނެ ފަރާތްތަކުން ޕްރޮޕޯސަލް ހުށަހެޅުމުގެ ފުރުސަތު މިފްކޯއިން ވަނީ ހުޅުވާލާފައެވެ. ޕްރޮޕޯސަލް ހުށަހެޅުމުގެ ސުންގަޑިއަކީ މިމަހުގެ 14 ވަނަ ދުވަހުގެ 13:00 ގެ ކުރިންނެވެ. ބިޑު ހުޅުވުން އޮންނާނީ 14 ވަނަ ދުވަހުގެ 14:00 ގައި ކަމަށް މިފްކޯގެ އިއުލާނުގައިވެއެވެ.