ކޫއްދޫ އެއާޕޯޓްގެ މަރާމާތުގެ މަސައްކަތް ނިންމައި، ވަރަށް އަވަހަށް އާއްމު ހާލަތަށް ގެނެވޭނޭކަމަށް ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވެއްޖެއެވެ.
ކޫއްޑޫ އެއާޕޯޓް މައްސަލާގައި މިނިސްޓަރު އަމީން އެކްސްގައި މިއަދު ވިދާޅުވީ، މޯލްޑިވިއަން އިން ކޫއްޑޫއަށް ދަތުރުތައް ހުއްޓާލަން ނިންމީ ދިގުމުއްދަތެއްގައި އެއަރޕޯރޓް މެއިންޓެއިން ނުކުރެވި އަދި ރަންވޭގެ ޙާލަތުގެ ސަބަބުން، މޯލްޑިވިއަންގެ ދެ ބޯޓަކަށް ވީގެއްލުމާ ގުޅިގެން ކަމަށެވެ.
މިނސްޓަރ ވިދާޅުވީ، ޓްރާންސްޕޯޓް މިނިސްޓްރީގެ އިސް ނެގުމާއެކު، ސިވިލް އޭވިއޭޝަން އޮތޯރިޓީއާއި، އެއަރޕޯޓް އޮޕަރޭޓަރ އަދި ގުޅުންހުރި ފަރާތްތަކާ ގުޅިގެން މައްސަލަ ޙައްލުކުރުމުގެ މަސައްކަތް ފަށާފައިވާ ކަމަށެވެ. އެގޮތުން ވަރަށް އަވަހައް މަރާމާތުގެ މަސައްކަތް ނިންމައި އާއްމު ހާލަތަށް ގެނެވޭނޭކަމަށް އަމީން ވިދާޅުވިއެވެ.
ކޫއްޑޫ އެއާޕޯޓްގެ ރަންވޭ ވަރަށްބޮޑަށް ހަލާކުވުމާއި ގުޅިގެން މޯލްޑިވިއަނުން ވަނީ އިއްޔެއިން ފެށިގެން ކޫއްޑޫއަށް އުދުހުންތައް ހުއްޓާލާފައެވެ.
ކޫއްޑޫ އެއާޕޯޓް ހިންގަނީ ޕްރިސްޓަން ކިޔާ ކުންފުންޏަކުންނެވެ. ކޫއްޑޫ އެއާޕޯޓް ތަރައްޤީކޮށްގެން ހިންގާގޮތަށް އެކުންފުންޏަށް ވަނީ ދެ ރިސޯޓް ހަދައިގެން ހިންގަން ދީފައެވެ. ޕްރިސްޓަން ކުންފުނިން ދަނީ އެކުންފުންޏަށް ލިބުނު ދެ ރަށުގައި ރިސޯޓް ހަދައި ނިކަން ރަނގަޅަށް އެ ދެ ރަށް ހިންގަމުންނެވެ. އެ ދެ ރިސޯޓަކީ ފަސްތަރީގެ ޕުލްމޫން މާމުޓާ ރިސޯޓާއި، ހަތަރު ތަރީގެ މާކިއޯ މޯލްޑިވްސްއެވެ.
ކޫއްޑޫ އެއާޕޯޓް ހުޅުވާފައިވަނީ 2012 ވަނަ އަހަރެވެ. އެ އެއާޕޯޓަކީ އެ ސަރަހައްދުގައި އޮތް އެންމެ ބިޒީ އެއާޕޯޓެވެ. މައުލޫމާތު ލިބިފައިވާ ގޮތުގައި ކޫއްޑޫ އެއާޕޯޓް ރަންވޭ ރަނގަޅަށް މަރާމާތުނުކުރާތާ ވަނީ ގިނަ އަހަރުތަކެއް ވެފައެވެ.
Advertisement
This content is created and paid for by advertisers and does not involve Voice Journalists
