ޣައްޒާގައި ފުޓްބޯޅަ ކުޅެން ތިބި ކުޑަކުދިންތަކަކަށް އަމާޒުކޮށް އިޒްރޭލުން ބޮން އަޅައި ހަމީހަކު ޝަހީދުކޮށްލައިފިއެވެ.
ރިޕޯޓުތައް ބުނާގޮތުގައި ޔަހޫދީ އިޒްރޭލުން އާދީއްތަ ދުވަހު ޑްރޯން ހަމަލާއެއް ދީފައިވަނީ ޣައްޒާ ސިޓީގެ ހުޅަނގުން އޮންނަ އަލްޝާޓީ ރެފިއުޖީ ކޭމްޕްގައި ފުޓްބޯޅަ ކުޅެންތިބި ކުޑަކުދިންނަށް އަމާޒުކޮށެވެ.
މި ހަމަލާގައި ފަލަސްތީނުގެ ހަ މީހަކު ޝަހީދުކޮށްލާފައިވާއިރު އޭގެ ތެރޭގައި ފަސް ކުޑަކުދިންނާއި އަންހެނަކު ހިމެނެ އެވެ.
މި ހަމަލާގައި ޒަހަމްވި އެތައް ބަޔަކު ވަނީ އަލްއަހްލީ ހޮސްޕިޓަލަށް ގެންގޮސްފަ އެވެ. އޭގެ ތެރޭގައިވެސް ގިނައީ ކުޑަކުދިންނެވެ.
މި ހަމަލާއާއި ގުޅިގެން ޔަހޫދީން އަދި މިހާތަނަށް ބަހެއް ބުނެފައި ނުވާއިރު އިޒްރޭލުން ބުނަމުންދަނީ ހަމަލާތައް ދެމުންދަނީ ހަމާސް ޖަމާއަތާއި ގުޅުންހުރި މީހުންނަށް ކަމަށެވެ. ނަމަވެސް މި ހަމަލާއާއި ގުޅިގެން ބަހެއް ބުނަން އިޒްރޭލު ވަނީ ނުކުޅިދިފައި އެވެ.
ޔަހޫދީން ހުއްޓުމެއްނެތި ޣައްޒާއަށް ދެމުން އަންނަ ހަމަލާތަކުގައި މިހާތަނަށް 42,200 އަށްވުރެ ގިނަ މީހުން ވަނީ ޝަހީދުވެފައި އެވެ. އޭގެ ތެރޭގައި ގިނައީ އަންހެނުންނާއި ކުޑަކުދިންނެވެ.
Advertisement
This content is created and paid for by advertisers and does not involve Voice Journalists
