ސީ-ޓު-އެއަރ ކާގޯ ޚިދުމަތާއި 7 އެއާލައިނަކުން ގުޅިއްޖެއެވެ.

މިއީ، ކަނޑުމަގުން މުދާ ރާއްޖެ ގެނެސް، ވައިގެ މަގުން އެކި މަންޒިލްތަކަށް އަވަހަށް ފޮނުވައިދިނުމަށްޓަކައި، މޯލްޑިވްސް ޕޯޓްސް ލިމިޓެޑް، މޯލްޑިވްސް ސްޓޭޓް ޝިޕިން، މޯލްޑިވްސް އެއަރޕޯޓްސް ކޮމްޕެނީ ލިމިޓެޑް އަދި ބައިނަލްއަޤްވާމީ އެއަރލައިންތަކާ ގުޅިގެން ފަށާފައިވާ ޚިދުމަތެކެވެ.

އެމްޕީއެލުން ހާމަކުރި ގޮތުގައި، މި ހިދުމަތާއި މިހާތަނަށް 7 އެއާލައިނަކުން ވަނީ ގުޅިފައެވެ. އެއީ:

1) ގަތަރު އެއަރވޭސް

2) އެމިރޭޓްސް

3) ޓާކިޝް އެއަރލައިން

4) އެރޯފްލޯޓު

5) ގަލްފު އެއަރ

6) ނިއޮސް އެއަރލައިންސް

7) އިއްތިހާދު އެއަރވޭސް  

މި އަހަރުގެ މާޗުމަހު ތައާރަފްކުރި މިހިދުމަތުގެ ފުރަތަމަ ޝިޕްމަންޓް މޭމަހު ފޮނުވާފައިވާއިރު، އެއީ ބަންގްލަދޭޝްއިން ރާއްޖެއަށް ކަނޑުމަގުން ގެނައި ގާމެންޓް ޝިޕްމަންޓެކެވެ. ރާއްޖެއިން މި ޝިޕްމަންޓް ވައިގެ މަގުން ވަނީ ޓާކިޝް އެއާލައިންސް މެދުވެރިކޮށް ޖަރުމަނުވިލާތަށް ފޮނުވާލާފައެވެ.

ސީ-ޓު-އެއަރ ކާގޯ ޚިދުމަތުން ރާއްޖެއިން އާއްމުކޮށް ފޮނުވަނީ ބަންގުލަދޭޝުން ކަނޑުމަގުން ރާއްޖެއަށް ގެންނަ ތަކެތިކަން ފާހަގަކޮށްލެވެއެވެ.