ދައުލަތުގެ ޚަރަދު ކުޑަކުރުމަށް 228 ސިޔާސީ މުވައްޒަފުން ވަކިކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ.
ރައީސް ޑރ.މުޢިއްޒު މިފަދައިން ނިންމެވިކަން ހާމަކުރައްވާފައިވަނީ، އެމަނިކުފާނު އެކްސްގައި ކުރެއްވި ޕޯސްޓެއްގައެވެ.
ރައީސް ޑރ.މުޢިއްޒު ވިދާޅުވީ، ސަރުކާރުގެ އިޤްތިޞާދީ އިސްލާހީ އެޖެންޑާގެ ދަށުން 228 ސިޔާސީ މުއައްޒަފުން މަގާމުން ވަކިކުރުމަށް ނިންމަވާފައިވާކަމަށެވެ.
ރައީސް ޑރ.މުޢިއްޒު ހާމަކުރެއްވި ގޮތުގައި އޭގެ ތެރޭގައި ހިމެނެނީ، 7 ސްޓޭޓް މިނިސްޓަރުންނާއި، 43 ޑެޕިއުޓީ މިނިސްޓަރުންނާއި، 109 ސީނިއަރ ޕޮލިޓިކަލް ޑިރެކްޓަރުންގެ އިތުރުން، 69 ޕޮލިޓިކަލް ޑިރެކްޓަރުންނެވެ.
އެގޮތުން މި މުއައްޒަފުން ދައުލަތުގެ ވުޒާރާތަކުން ކުރިއަށް އޮތް 15 ދުވަހުގެ ތެރޭގައި ވަކިކުރުމަށް އަންގަވާފައިވާނެކަމަށް ރައީސް ޑރ.މުޢިއްޒު ވިދާޅުވިއެވެ.
ރައީސް ޑރ.މުޢިއްޒު ވިދާޅުވީ، މި ނިންމެވުމާއެކު 5.714 މިލިޔަން ރުފިޔާ ދައުލަތުގެ ބަޖެޓުން ސަލާމަތްކުރެވޭނެ ކަމަށެވެ.
Advertisement
This content is created and paid for by advertisers and does not involve Voice Journalists
