ވޯލްޑްކަޕް ކޮލިފައިންގ ދެކޮނު އެމެރިކާ ސަރަހައްދުގައި މިއަދު ހެނދުނު ބްރެޒިލް އާއި ޕެރޫ ވާދަކުރި މެޗު ފަސޭހަކަމާއެކު 4-0 ގެ ނަތީޖާއަކުން ކާމިޔާބުކޮށް ބްރެޒިލް އިން ޕޮއިންޓް ތާވަލުގެ ހަތަރުވަނައަށް ކުރިއަށް ޖެހިލައިފިއެވެ.

ކޮލިފައިންގައި ބްރެޒިލް އެންމެ ފަހުން ކުޅުނު މެޗުގައި 2-1 ގެ ނަތީޖާއަކުން ޗިލީ އަތުން މޮޅުވެފައިވާއިރު، ޕެރޫ އެންމެ ފަހުން ކުޅުނު މެޗުގައި އެޓީމުން ވަނީ 1-0 ގެ ނަތީޖާއަކުން އުރުގުއާއީ ބަލިކޮށްފައެވެ. އަދި މިދެޓީމު އެންމެ ފަހުން ކުޅުނު މެޗު 1-0 ގެ ނަތީޖާއަކުން ކާމިޔާބުކޮށްފައި ވަނީ ބްރެޒިލް އެވެ.

މިމެޗުގައި ބްރެޒިލްގެ ފުރަތަމަ ދެލަނޑު އެޓީމަށް ލިބުނު ދެ ޕެނަލްޓީ އިން ރަފީނިއާ ކާމިޔާބުކޮށްދިންއިރު، އެޓީމުގެ އަންދަރޭސް ޕެރެއިރާ އަދި ލުއިސް ހެންރީކޭ މިއިން ކޮންމެ ކުޅުންތެރިއަކު މިމެޗުގައި ވަނީ އެއް ލަނޑު ކާމިޔާބުކޮށްފައެވެ 

Advertisement

މިނަތީޖާއެކު ވޯލްޑްކަޕް ކޮލިފައިންގައި ބްރެޒިލް ކުޅުނު 10 މެޗުން އެޓީމަށް 16 ޕޮއިންޓް ލިބިފައިވާއިރު، ލަނޑުގެ ތަފާތުން އެޓީމު މިވަގުތު އޮތީ ޕޮއިންޓް ޓޭބަލްގެ ހަތަރު ވަނައިގައެވެ. އަދި މިމެޗުން ބަލިވި ޕެރޫ އިން ކުޅުނު 10 މެޗުން ލިބުނު ހަ ޕޮއިންޓާއެކު އެޓީމު މިވަގުތު އޮތީ ޕޮއިންޓް ޓޭބަލްގެ ނުވަ ވަނައިގައެވެ.