"ހައްޖު އުމްރާ ކޮންފަރެންސް" ގައި ބައިވެރިވުމުގެ ފުރުސަތު އިސްލާމީ ކަންތައްތަކާއި ބެހޭ ވުޒާރާ އިން ހުޅުވާލައިފިއެވެ.
އެ ވުޒާރާއިން ބުނީ، ޙައްޖާއި ޢުމްރާގެ ޙިދުމަތްދޭ ކުންފުނިތަކަށް ބާއްވާމި ކޮންފަރެންސް ބޭއްވުމަށް ހަމަޖެހިފައިވަނީ މި މަހުގެ 31 ގައި އިސްލާމީ މަރުކަޒުގެ ޖަލްސާކުރާ މާލަމުގައި ކަމަށެވެ.
ހައްޖާއި އުމްރާގެ އަށް ގެންދިއުމުގެ ނިޒާމު ހަރުދަނާކުރުމާއި، ޙައްޖާއި ޢުމްރާގެ ޙިދުމަތް ދެމުން އަންނަ ކުންފުނިތަކުގެ ޚިޔާލާއި މަޝްވަރާ ހޯދުމުގެ މަޤްސަދުގައި ބާއްވާ މި ކޮންފަރެންސަކީ ޙައްޖާ ޢުމްރާގެ ނިޒާމު ހަރުދަނާކުރުމަށް ވުޒާރާއިން ކުރަމުން އަންނަ މަސައްކަތްތަކުގެ ތެރެއިން ކުރިއަށްދާ ކޮންފަރެންސްއެއްކަން އެ ވުޒާރާއިން ފާހަގަކުރެއެވެ.
މި މަހާސިންތާގައި ބައިވެރިވުމުގެ ފުރުޞަތު މިހާރު ހުޅުވާލާފައިވާއިރު ގޫގުލް ފޯމް މެދުވެރިކޮށް ބައިވެރިވެވޭނެއެވެ.
މީގެ ކުރިން، މި ކޮންފަރެންސާއި ގުޅޭގޮތުން އިސްލާމީ ކަންތައްތަކާއި ބެހޭ ވަޒީރު، ޑރ.މުޙައްމަދު ޝަހީމް އަލީ ސަޢީދު ވިދާޅުވީ، ކޮންފަރެންސްގައި ބައިވެރިވުމުގެ ދައުވަތު އުމްރާއަށް މީހުން ގެންދިއުމުގެ ހުއްދަ ދީފައިވާ އެކި ފަރާތްތަކަށް ފޮނުވާފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
