އަންނަ ނޮވެމްބަރުމަހުގެ 10 ވަނަ ދުވަހަކީ ސަރުކާރު ބަންދުވަހެއްގެ ގޮތުގައި ރައީސުލްޖުމްހޫރިއްޔާ ހަމަޖައްސަވައިފިއެވެ.

މިކަމާ ގުޅިގެން ރައީސް އޮފީހުން ބުނީ، ނޮވެމްބަރުމަހުގެ 10 ވަނަ ދުވަސް، ސަރުކާރު ބަންދުދުވަހެއްގެ ގޮތުގައި ހަމަޖެއްސުމަށް ރައީސުލްޖުމްހޫރިއްޔާ ނިންމެވީ، ޖުމްހޫރީދުވަސް ކަމަށްވާ ނޮވެމްބަރުމަހުގެ 11 ވަނަ ދުވަހަކީ ސަރުކާރު ބަންދުދުވަހަކަށް ވާތީ ކަމަށެވެ. އެގޮތުން މިއަހަރުގެ ކަލަންޑަރުގައިވާގޮތުން ޖުމްހޫރީ ދުވަހުގެ ކުރިއަށްއޮތް ދުވަހަކީ އާދިއްތަ ދުވަހަށް ވެފައި، ބަންދުދުވަސްތަކަށް މެދުކެނޑުމެއްނައިސް މުވައްޒަފުންނަށް ޗުއްޓީ ލިބޭނޭގޮތަށް ހަމަޖައްސައި ދެއްވުމަށްޓަކައި ރައިސުލްޖުމްހޫރިއްޔާ އެގޮތަށް ހަމަޖެއްސެވުުންކަމަށް ރައީސް އޮފީހުން ބުންޏެވެ.

މީގެ ކުރިންވެސް މިގޮތަށް ދިމާވުމުން ރައީސުލްޖުމްހޫރިއްޔާ ވަނީ އެފަދަ ދުވަސްތަކަކީ ސަރުކާރު ބަންދު ދުވަހެއްގެ ގޮތުގައި ހަމަޖައްސަވައިދެއްވާފައެވެ.

Advertisement