މޯލްޑިވްސް މީޑިއާ ކައުންސިލު(އެމްއެމްސީ) އިން މި ހަފްތާގެ ހޯމަ ދުވަހުގެ ރޭ ބޭއްވުމަށް ހަމަޖެހިފައިވާ މިއަހަރުގެ ނޫސްވެރިކަމުގެ އިނާމު ދިނުމުގެ ހަފްލާ ފަސްކޮށްފިއެވެ.
އެމްއެމްސީ އިން މިކަން ހާމަކޮށްފައިވަނީ އެކްސްގައި ކުރި ޕޯސްޓެއްގައެވެ.
މިގޮތުން އެމްއެމްސީން ބުނީ، ނޫސްވެރިކަމުގެ އިނާމު ދިނުމުގެ ހަފްލާ މި ހަފްތާގެ ބުދަ ދުވަހުގެ ރެއަށް ފަސްކުރެވިފައިވާކަމަށެވެ.
ނަމަވެސް އެ ހަފްލާ ފަސްކޮށްފައިވާ އެއްވެސް ސަބަބެއް ހާމަކޮށްފައެއް ނުވެ އެވެ.
ބުދަ ދުވަހުގައި ބާއްވާ ނޫސްވެރިކަމުގެ އިނާމު ދިނުމުގެ 11 ވަނަ ހަފްލާގައި، ނޫސް މަޖައްލާ ކެޓަގަރީއާއި އޯޑިއޯ އަދި ވީޑިއޯ ޖާނަލިޒަމް ކެޓެގަރީ ހިމެނޭހެން 18 ދާއިރާއަކުން އެވޯޑް ދިނުމަށް ވަނީ ހަމަޖެހިފައެވެ.
އިނާމު ދިނުމަށް ކަނޑައެޅިފައިވާ ކެޓަގަރީތަކާއި ދާއިރާތަކަކީ:
1) ނޫސްމަޖައްލާ ކެޓަގަރީ
2) އޯޑިއޯ ވީޑިއޯ ޖާނަލިޒަމް ކެޓަގަރީ
3) ތަހުގީގީ ނޫސްވެރިކަމުގެ ދާއިރާ
4) އިޖުތިމާއީ ދާއިރާ
5) ސިޔާސީ ދާއިރާ
6) ޝަރުޢީ އަދި ގާނޫނީ ދާއިރާ
7) ވިޔަފާރިއާއި އިގުތިސާދުގެ ދާއިރާ
8) ކުޅިވަރުގެ ދާއިރާ
9) ފޮޓޯ ޖާނަލިޒަމްގެ ދާއިރާ
10) ވީޑިއޯ ޑޮކިއުމަންޓްރީގެ ދާއިރާ
11) ގްރެފިކްސް އާއި އިލެސްޓްރޭޝަންސްގެ ދާއިރާ
12) ފީޗަރ ރިޕޯޓުގެ ދާއިރާ
13) ތާރީޚާއި ސަގާފަތުގެ ދާއިރާ
14) މުނިފޫހިފިލުވުމާއި ފަންނުވެރިކަމުގެ ދާއިރާ
15) ތިމާވެށްޓާއި ދެމެހެއްޓެނިވި ތަރައްޤީގެ ދާއިރާ
16) އޯޑިއޯ ޖާނަލިޒަމްގެ ދާއިރާ
17) އުންމީދީ ނޫސްވެރިޔާގެ އިނާމު
18) އަހަރުގެ އެންމެ މޮޅު ނޫސްވެރިޔާގެ އިނާމު
19) އަހަރުގެ އެންމެ މޮޅު ކަވަރޭޖުގެ އިނާމު
20) އަތޮޅުތެރޭގެ އެންމެ މޮޅު އުފެއްދުމުގެ އިނާމު
އެމްއެމްސީން މީގެ ކުރިން ހާމަކުރި ގޮތުގައި، މިފަހަރު މި އިނާމަށް 18 ދާއިރާއަކުން 86 ހުށަހެޅުން ލިބިފައިވެއެވެ.
Advertisement
This content is created and paid for by advertisers and does not involve Voice Journalists
