މި ހަފްތާގައި 'ވީކްލީ ފިސްކަލް ޑިވެލޮޕްމަންޓްސް' ޝާއިއުކުރަން ފަށާނެ ކަމަށް މާލީ ވަޒީރު މޫސާ ޒަމީރު ވިދާޅުވެއްޖެ އެވެ.
ފިނޭންސް މިނިސްޓްރީން ހަތަރު މަހުގެ މެދުކެނޑުމަކަށް ފަހު މާލީ ތަފާސްހިސާބުތައް ޝާއިއުކުރާނެކަން މާލީ ވަޒީރު ހާމަކޮށްފައިމިވަނީ ސަޕްލިމެންޓަރީ ބަޖެޓު މަޖިލީހަށް ހުށަހެޅުމުގެ ކުރިން ނޫސްވެރިންނަށް މައުލޫމާތު ދިނުމަށް ބޭއްވި ބައްދަލުވުމެއްގައި ވާހަކަފުޅު ދައްކަވަމުންނެވެ.
މިގޮތުން، މާލީ ވަޒީރު ވިދާޅުވީ، ރިިޕޯޓު އާންމުކުރުމާ ބެހޭ ގޮތުން އޮޑިޓަ ޖެނެރަލްގެ ލަފާ ލިބިފައިވާ ކަމަށެވެ.
"އަޅުގަނޑު ހިތަށް އަރައިގެން މި އުޅެނީ އާދީއްތަ ދުވަހު ހުށަހަޅަން އެކަމަކު ބައެއް ބޭފުޅުން އެބަ ވިދާޅުވޭ އަދިވެސް ލަސްކުރަން. މިހާރު އޮޑިޓަ ޖެނެރަލްގެ ލަފާ ލިބިއްޖެ. އެއާ އެއްގޮތަށް ހިސާބުތަކަށް ދަންނަވައިގެން، ފޮނުވާފައި ވާނީ. އެ އަދި ނުލިބޭ. އެކަމަކު ވެސް އަޅުގަނޑުމެން މިހާރު މި އުޅެނީ އިޝޫކުރަން ވެގެން،"
ވަޒީރު ޒަމީރު ވިދާޅުވިއެވެ.
ވަޒީރު ޒަމީރު ވިދާޅުވީ، އަލުން ތަފާސްހިސާބުތައް ޝާއިއުކުރާނީ، ހިސާބުތައް ފަހުން ލިބޭއިރު ބަދަލުތަކެއް އައިސްދާނެ ވާހަކަ ވެސް ޖެހުމަށް ފަހުކަމަށާއި، މި އަންގާރަ ހަފްތާގެ އަންގާރަ ދުވަހު ޝާއިއުކުރާނެ ކަމަށެވެ.
Advertisement
This content is created and paid for by advertisers and does not involve Voice Journalists
