ހުޅުމާލެ ފޭސް ދޭއް ހިޔާ 13 ޓަވަރު ކައިރީ ހުންނަ ސްޓެލްކޯގެ ޓްރާންސްފޯމަރު ބަހައްޓާފައި ހުރި ތަނަށް ވައްކަންކުރަން ވަނުމުގެ ތުހުމަތުގައި މީހަކު ހައްޔަރުކޮށްފިއެވެ.
ފުލުހުން ބުނީ، މިއަދު 05:30 ގެ ވަގުތެއްގައި ޓަވަރު 13 ކައިރީ ހުންނަ ސްޓެލްކޯގެ ފޯމަރު ބަހައްޓާފައި ހުންނަ ތަނުގެ އެތެރެއަށް މީހަކު ވަދެ ވައްކަންކުރަން އުޅޭކަމުގެ ރިޕޯޓެއް ލިބިފައިވާކަމަށެވެ.
ފުލުހުން ވަނީ މި މައްސަލާގެ ތުހުމަތުގައި ފުލުހުންގެ ބެލުމުގެ ދަށަށް ގެންގޮސްފައިވާ މީހާގެ ވަނަވަރު އާއްމުކޮށްފައެވެ. މައްސަލާގައި ފުލުހުންގެ ބެލުމުގެ ދަށަށް ގެންގޮސްފައިވަނީ، ނ.އަތޮޅު މާލެންދޫ ފެހިއައްސޭރި އުމުރުން 32 އަހަރުގެ އަހުމަދު ރިޝްފާނެވެ.
ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ.
ފޯމަރުހައުސް ތެރެއަށް ވަދެ، ވައްކަން ކުރަން އުޅުނު މީހަކު ފުލުހުން ހައްޔަރުކޮށްފައިވާއިރު، ސްޓެލްކޯއިން ވަނީ މީގެ ކުރިން އެތައްފަހަރަކު ފޯމަރުތައް ބަހައްޓާފައި ހުންނަ ތަންތަނަށް ނުވަނުމަށް އިލްތިމާސްކޮށްފައެވެ.
ސްޓެލްކޯއިން ހުޅުމާލެ ފޭސް ދޭއްގައި ބަހައްޓާފައިހުރި ޓްރާންސްފޯމަރަކުން ވައްކަންކުރަން އުޅުނު މީހަކުމިއަހަރުގެ މާޗްމަހުގެ ތެރޭގައި ވަނީ މަރުވެފައެވެ.
Advertisement
This content is created and paid for by advertisers and does not involve Voice Journalists
