މާދަމާ އަކީ ސަރުކާރު ބަންދު ދުވަހެއް ނަމަވެސް ޕާސްޕޯޓްގެ ހިދުމަތް ލިބޭނެކަމަށް މޯލްޑިވްސް އިމިގްރޭޝަނުން ބުނެފިއެވެ.
އިމިގްރޭޝަަނުން އެކްސްގައި ކުރި ޕޯސްޓެއްގައި ބުނީ ސަރުކާރު ބަންދު ދުވަސްތައް ކަމަށްވާ ނޮވެމްބަރުމަހުގެ 3 އަދި 10 ވަނަ ދުވަހު، ޕާސްޕޯޓުގެ ހިދުމަތް ލިބޭނީ ހަމައެކަނި މާލެ އޮފީހުން ކަމަށެވެ.
މިގޮތުން އިމިގްރޭޝަނުން ބުނީ، އިމުގާ ޕޯޓަލް މެދުވެރިކޮށް ޕާސްޕޯޓަށް އެދެވޭނެކަމަށާއި، 65 އަހަރުން މަތީގެ ފަރާތްތަކަށް ހެނދުނު 8:30 އިން މެންދުރު 14:00 އާއި ހަމައަށް އިމިގްރޭޝަނަށް ހާޒިރުވެ އޮންލައިންކޮށް ޕާސްޕޯޓަށް އެދި ހުށަހެޅޭކަމަށެވެ.
ޕާސްޕޯޓާއި ހަވާލުވުމަށް ނަންބަރު ދޫކުރުމަށް ހަމަޖެހިފައިވަނީ ހެނދުނު 8:30 އިން މެންދުރު 14:00 އަށް ކަމަށާއި، ކިއުބީ އެޕްލިކޭޝަން މެދުވެރިކޮށް ނުވަތަ އިމިގްރޭޝަނަށް ހާޒިރުވެގެންވެސް ނަންބަރު ނެގޭނެކަމަށް އިމިގްރޭޝަނުން މައުލޫމާތުދެއެވެ.
Advertisement
This content is created and paid for by advertisers and does not involve Voice Journalists
