މާލެއާއި ވިލިމާލޭގެ މަގުތައް ޒަމާނީފެންވަރަށް ތަރައްގީކުރުމަށް ކުރަންޖެހޭ ދިރާސާގެ މަސައްކަތްތައް ފަށައިފިއެވެ.
މިކަމަށްޓަކައި ޗައިނާ ސަރުކާރާ ދިވެހި ސަރުކާރާ ދެމެދު އެއްބަސްވުމެއްގައި ރައީސް ޑރ.މުޙައްމަދު މުޢިއްޒު މިއަހަރު ޖެނުއަރީ މަހުގެ ތެރޭގައި ޗައިނާއަށް ކުރެއްވި ރަސްމީ ދަތުރުފުޅުގެ ތެރޭގައި ސޮއިކުރައްވާފައިވާއިރު، އިމާރާތްކުރުމާއި ބިނާރާބެހޭ ވުޒާރާއިން ބުނީ، މި މަޝްރޫއަށް ކުރަންޖެހޭ ދިރާސާގެ މަސައްކަތްކުރާ ތަޖުރިބާކާރުންގެ ޓީމު މިހާރު ރާއްޖެ އައިސްފައިވާ ކަމަށެވެ.
މި ޓީމުން ހަދާ ދިރާސާތަކާއި މަޢުލޫމާތު އެއްކުރުމުގެ މަސައްކަތް މިމަހުގެ 5 އިން 21 އާ ހަމައަށް ކުރިއަށްގެންދާނެކަމަށާއި، މަގު ހެދުމުގެ މަޝްރޫޢު ކުރިއަށްގެންދާނެ ގޮތް ރޭވުމުގައި މުހިންމު ދައުރެއް މި ދިރާސާތައް އަދާކުރާނެކަމަށް އެ ވުޒާރާއިންބުނެއެވެ.
ޗައިނާ ސަރުކާރުގެ ހިލޭ އެހީގައި ކުރިއަށް ގެންދާ މި މަޝްރޫއުގެ ދަށުން، ބޮޑުތަކުރުފާނު މަގު ތަރައްޤީކުރުމުގެ މަޝްރޫޢު ހިމެނޭހެން، މާލޭގެ މަގުތައް ތާރުއަޅައިގެން ތަރައްޤީކުރުމާއި، މާލޭގެ މަގުތައް ހަދާނީ ފެނާއި ނަރުދަމާގެ ނިޒާމާއި ކަރަންޓު އަޕްގްރޭޑް ކުރުމާއި ސްޓޯމް ވޯޓާ ނިޒާމާއި ފަޔާ ހައިޑްރަންޓްގެ ނިޒާމުވެސް ގާއިމުކުރުމަށް ވަނީ ހަމަޖެހިފައެވެ.
Advertisement
This content is created and paid for by advertisers and does not involve Voice Journalists
