ސިނިއަރ ފިރިހެން ޤައުމީ ބީޗް ހޭންޑްބޯލް ސްކޮޑެއް އެކުލަވާލުމަށް ނިންމައި، ހޭންޑްބޯޅަ މޯލްޑިވްސްއިން ގައުމީ ޓީމުގެ ފަރިތަކުރުންތަކުގައި ބައިވެރިވުމުގެ ފުރުސަތު އާންމުކޮށް ހުޅުވާލައިފިއެވެ.

ހޭންބޯޅަ މޯލްޑިވްސް އިން މިއަދު ގެޒެޓްކުރި އިއުލާނުގައިވާ ގޮތުން އެ އެސޯސިއޭޝަނުން ސިނިއަރ ފިރިހެން ޤައުމީ ބީޗް ހޭންޑްބޯލް ސްކޮޑެއް އެކުލަވާލުމަށް ބޭނުންވާތީވެ، މިކަމަށް ޝައުޤުވެރިކަން ހުރި އެންމެ ފަރާތްތަކަށް، އެ ފުރުސަތު ހުޅުވާލެވިފައިވާކަން އިއުލާންކުރަމެވެ. ވީމާ، މިކަމަށް ޝައުޤުވެރިވެލައްވާ ފަރާތްތަކުން 20 ނޮވެންބަރ 2024 ވަނަ ދުވަހުގެ ކުރީން، އެ އިއުލާނުގައި ބަޔާންކުރެވިފައިވާ ގޫގަލް ފޯމް ފުރިހަމަ ކުރެއްވުން އެސޯސިއޭޝަނުން ވަނީ އެދިލައްވާފައެވެ.

މީގެ އިތުރުން އެއިއުލާނުގައިވާ ގޮތުން ސިނިއަރ ފިރިހެން ޤައުމީ ބީޗް ހޭންޑްބޯލް ސްކޮޑުގެ ފަރިތަކުރުންތަކުގައި ބައިވެރިވެވޭނީ 18 އަހަރުން މަތީ ޒުވާނުންނަށެވެ. އަދި ގައުމީ ޓީމުގެ ފަރިތަކުރުންތައް ކުރިއަށް ގެންދިއުމަށް ހަމަ ޖެހިފައިވަނީ ކުޅުދުއްފުށި ސިޓީގެ ބީޗްހޭންޑްބޯލް ކޯޓްގައެވެ.

Advertisement

މީގެ އިތުރުން ގައުމީ ޓީމުގެ ފަރިތަކުރުންތަކުގައި ބައިވެރިވުމަށް ޝައުގުވެރިވެލައްވާ ފަރާތްތަކުން އިތުރު މައުލޫމަތު ހޯއްދެވުމަށް، 7590743 ނަންބަރު ފޯނަށް ގުޅުއްވުމަށް ހޭންޑްބޯޅަ މޯލްޑިވްސް އިން ވަނީ އެދިލައްވާފައެވެ.

ގޫގަލް ފޯމް ލިންކް:https://forms.gle/dvGrDqntHi7D2XWw9