އެސިސްޓެންޓް ކޮމިޝަނާ އޮފް ޕްރިޒަންސް މުހައްމަދު އާސިފް މޯލްޑިވްސް ކަރެކްޝަނަލް ސާވިސްގެ ވަޒީފާއިން ސަސްޕެންޑުކޮށްފި އެވެ.
ކަރެކްޝަނުން ބުނީ އާސިފު ވަގުތީ ގޮތުން ސަސްޕެންޑުކުރީ އިއްޔެ ކަމަށެވެ.
އެގޮތުން އެ ސާވިސް އިން މުވައްޒަފުންނަށް ފޮނުވި އެންގުމެއްގައި ވަނީ، އިއްޔެއިން ފެށިގެން އެ ސާވިސްގެ ހިއުމަން ރިސޯސް ސެކްޝަންގެ ހުއްދަ ނެތި އާސިފް އެ ސާވިސްގެ އެއްވެސް އިމާރާތަކަށް ވަނުމަކީ މަނާ ކަމެއް ކަމަށްވެސް ބުނެފައެވެ.
އަދި އެ އެންގުމާ ހިލާފަށް އާސިފު އަމަލުކުރައްވައިފި ނަމަ އެކަން ކަރެކްޝަންސްގެ އެޗުއާރު ސެކްޝަނަށް އަންގައިދޭން ވެސް ވަނީ އެދިފަ އެވެ.
އާސިފް ސަސްޕެންޑް ކޮށްފައިވާއިރު، އޭނާ އިސްކޮށް ހުންނަވާ ޕްރިޒަންސް ކުލަބުގެ އެކައުންޓުން 200،000 ރުފިޔާއަށް ވުރެ ގިނަ ފައިސާ އެކިއެކި އެކައުންޓުތަކަށް ޖަމާކުރި މައްސަލައެއް މިދިޔަ ޖުލައި މަހުގެ ތެރޭގައި ފެންމަތިވެފައިވާކަން ފާހަގަކޮށްލަންޖެހެއެވެ.
Advertisement
This content is created and paid for by advertisers and does not involve Voice Journalists
