ހިޔާ ފްލެޓް އެޕާޓްމަންޓެއްގައި މީހަކު ރަހީނުކުރި މައްސަލާގައި ހިމެނޭ މީހުންގެ ވަނަވަރު ފުލުހުން އާއްމުކޮށްފިއެވެ.
ފުލުހުން ވަނީ މި މައްސަލާގައި ހިމެނޭ މީހުންގެ އުމުރާއި އެމީހުންގެ ދާއިމީ އެޑްރެސް ހިމެނޭހެން 12 މީހެއްގެ ވަނަވަރު އާއްމުކޮށްފައެވެ.
މިދިޔަ ބްރާސްފަތި ދުވަހުގެ ރޭ ހުޅުމާލޭ ދެވަނަ ފިޔަވަހީގައި ހުންނަ ހިޔާ ޓަވަރު 9ގެ ފަންގިފިލާއެއްގެ ތެރޭގައި މީހަކު ރަހީނުކުރި މައްސަލާގައި ހިމެނޭ މިހުންގެ ބަންދުގެ މުއްދަތު ޖަހާފައިވާއިރު، އޭގެ ތެރެއިން 3 މީހެއްގެ ބަންދުގެ މުއްދަތު ވަނީ 5 ދުވަހަށް ޖަހާފައެވެ.އަދި 9 މީހެއްގެ ބަންދުގެ މުއްދަތުގެ ގޮތުގައި ވަނީ 7 ދުވަސް ޖަހާފައެވެ.
މިދިޔަ ބްރާސްފަތި ދުވަހުގެ ރޭ މީހަކު ރަހީނުކުރުމުގެ އެ ހާދިސާ ހިނގާފައި ވަނީ އެޗް 9 ވަނަ ޓަވަރުގެ 20 ވަނަ ފަންގިފިލާގެ 11 ވަނަ އެޕާޓްމަންޓުތެރޭގައެވެ.
ފުލުހުންނަށް އެކަމުގެ ރިޕޯޓް ލިބުނީ އެ ރޭގެ 7:40 ހާއިރެވެ. ރަހީނުކުރި މީހާއަށް ޖިސްމާނީ ބޮޑު ގެއްލުމެއް ދިނުމުގެ ކުރިން ފުލުހުން ވަނީ އެމީހާ ސަލާމަތްކޮށްފައެވެ.
Advertisement
This content is created and paid for by advertisers and does not involve Voice Journalists
