ހުޅުމާލޭ ނެރު ކައިރިން ދެ ލޯންޗު ޖެހި އެކްސިޑެންޓެއް ހިނގައިފިއެވެ.އެ ސަރަހައްދުގައި އެކްސިޑެންޓް ހިނގައިގެން އުޅޭކަން ފުލުހުންވެސް ވަނީ މީޑިއާއަށް ޔަގީންކޮށްދީފައެވެ.
ފުލުހުން ބުނީ ހުޅުމާލޭ ނެރު ކައިރިން ދެ ލޯންޗު ޖެހި އެކްސިޑެންޓެއް ހިނގައިގެން އުޅޭކަމުގެ ރިޕޯޓެއް ލިބިފައިވާ ކަމަށެވެ. މި ހާދިސާ ހިނގާފައިވަނީ މިރޭގެ 19:30 ހާއިރުއެވެ.
މި އެކްސިޑެންޓްގައި ލިބުނު އަނިޔާތަކާ ގުޅިގެން ދެމީހަކު ހުޅުމާލޭ ހޮސްޕިޓަލަށް ފަރުވާ ދިނުމަށް ވަނީ ގެންގޮސްފައެވެ. ވޮއިސްއަށް މައުލޫމާތު ލިބުނު ގޮތުގައި ދެމީހުނަށް ވަނީ އެކި ކަހަލަ އަނިޔާތައް ވެފައެވެ. އެގޮތުން އެކެއްގެ ބައެއް ތަންތަން ފަހަން ޖެހުނުކަމަށް މައުލޫމާތު ލިބެއެވެ.
<br>
މާލެ ސަރަހައްދުގައި ރޭގަނޑުގެ ވަގުތުތަކުގައި ދެ ލޯންޗު ޖެހި ދޭތެރެއަކުން އެކްސިޑެންޓްތައް ހިނގައެވެ. މިގޮތުން އެންމެފަހުން މިދިޔަ މަހުގެ ތެރޭގައިވެސް ވަނީ، ދެ ލޯންޗު ޖެހި ބައެއް މީހުންނަށް އަނިޔާތައް ލިބިފައެވެ.
Advertisement
This content is created and paid for by advertisers and does not involve Voice Journalists
