މާފުށީ ޖަލުގެ ގޮޅިއެއް ކްލަބެއް ގޮތަށް އެކި ކުލައިގެ ބޮކި ދިއްލައި، އެފަދަ ތަނެއް ގޮތަށް ސިފަކޮށް ދައުރު ކުރަމުންދާ ވީޑިއޯއަކީ 2022 ވަނަ އަހަރުގެ ވީޑިއޯއެއް ކަަމަށް މޯލްޑިވްސް ކަރެކްޝަނަލް ސާވިސް އިން މިއަދު ބުނެފި އެވެ.
މީސް މީޑިއާގައި މިހާރު ދައުރު ވަމުންދާ ވީޑިއޯ އިން ފެންނަ ގޮތުގައި، ޖަލުގެ ފާރުގައި ޒިގްޒެގް ޑިޒައިނަށް ކަޅާއި ހުދުގެ ވޯލް ޕޭޕަރ އެއް ހަރުކޮށްފައި ހުރި އިރު، ގޮޅިތެރޭގައި ހުރީ ނޫ ކުލަ އާއި ރަތް ކުލައިގެ ބޮކިތައް ދިއްލާފައެވެ.
އެ ވީޑިއޯ ހިއްސާ ކުރި ފަރާތުން ބުނެފައިވާގޮތުން އެއީ، މާފުށީ ޖަލުގެ ޕެންޓަގަން ޔުނިޓު 2 ގެ ވީޑިއޯ އެކެވެ. އަދި އެއީ ޖަލުގެ ހާލަތު ކަމަށް ބުނެ، އެތަން ކަމާބެހޭ ފަރާތަށް ދެއްކުމަށް ވަނީ ގޮވާލާފައެވެ.
އެ ވީޑިއޯއާ ގުޅިގެން ކަރެކްޝަންސް އިން ނެރުނު ބަޔާނެއްގައި ބުނީ އެއީ 2022 ވަނަ އަހަރުން ފެށިގެން އެކި ފަހަރު މަތިން ވައިރަލްވާ ވީޑިއޯއެއް ކަމަށެވެ.
އަދި ގައުމީ ސަލާމަތާ ގުޅުން ހުންނަ މިފަދަ މުއައްސަސާއަކާ ބެހޭ ގޮތުން މައުލޫމާތު ފެތުރުމުގެ ކުރިން އެކަމެއްގެ މައުލޫމާތު އެ މުއައްސަސާއާ ގުޅައިގެން ހޯދުމަށް ކަރެކްޝަންސް އިން ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
