ބަންގްލަދޭޝްގެ ކުރީގެ ބޮޑުވަޒީރު ޝައިޚް ހަސީނާ އާއި އެކަމަނާގެ ބައިވެރިން ހޯދުމަށް އިންޓަޕޮލް އިން ރެޑް ނޯޓިސް ނެރުމަށް އެދޭނެކަމަށް އެގައުމުގެ ވަގުތީ ސަރުކާރުން ބުނެފިއެވެ.
ބަންގްލަދޭޝްގެ ސަރުކާރުން ބުނީ، އޭރު އޮތް ސަރުކާރާއި ދެކޮޅަށް މިއަހަރުގެ ޖުލައި އަދި އޮގަސްޓްމަހު ކުރިއަށްދިޔަ މުޒާހަރާތަކުގައި ބޭއިންސާފުން ކަންތައްތައް ކުރެވިގެންދިޔަ ދިޔުމާއި ގުޅޭގޮތުން ހަސީނާ އާއި އެކަމަނާގެ ސަރުކާރުގައި ހިމެނޭ ބޭފުޅުން ދުނިޔޭގެ ކޮންމެ ތަނެއްގައި ތިއްބަސް، އަނބުރާ ގެނެސް ޖަވާބުދާރީ ކުރުވާނެކަމަށެވެ.
ހަސީނާގެ ވެރިކަން ވެއްޓުނުފަހުން 700 އަށް ވުރެ ގިނަ މީހުން މަރުވި ހަމަނުޖެހުންތަކުގެ ޒިންމާ ނަގަންޖެހޭނެ ކަމަށް ބެލެވޭ އެކަމަނާގެ ސަރުކާގެ ބޭފުޅުން ވަނީ އެގައުމުގެ މިހާރުގެ ސަރުކާރުން ވަނީ ހައްޔަރުކޮށްފައެވެ.
ބަންގްލަދޭޝުން މިހާރުވެސް ހަސީނާ ހައްޔަރުކުރުމަށް ނޯޓިސް ނެރެފައިވާއިރު، އެގައުމުގައި ހަސީނާގެ ވެރިކަމާއި ދެކޮޅަށް ކުރިއަށްދިޔަ ސިލްސިލާ މުޒާހަރާތަކަކަށްފަހު، ބޮޑުވަޒީރުކަމުން މިއަހަރުގެ އޮގަސްޓްމަހު އިސްތިއުފާ ދެއްވި ހަސީނާ ބަންގްލަދޭޝުން ފިލައި އޭރު ވަޑައިގެންނެވީ އަވަށްޓެރި އިންޑިއާއަށެވެ.
އިންޓަޕޮލް ރެޑް ނޯޓިސް ނެރުމާއިއެކު ދުނިޔޭގައި ގާނޫނު ތަންފީޒުކުރާ ހުރިހާ އިދާރާތަކަށް އެލާޓް ލިބިގެންދާއިރު، އިންޑިއާ އަކީ ވެސް އިންޓަޕޮލްގެ ގައުމެކެވެ. އެހެންނަމަވެސް، އިންޑިއާއިން ހަސީނާ އަނބުރާ ބަންގްލަދޭޝްއަށް ފޮނުވާލާނެކަން މިހާތަނަށް ޔަގީންވެފައެއް ނުވެއެވެ.
Advertisement
This content is created and paid for by advertisers and does not involve Voice Journalists
