ރާއްޖޭގައި ހުރި އެންމެ ބޮޑު އެއް އިމާރާތް ކަމަށްވާ ދަރުމަވަންތަ ހޮސްޕިޓަލް މަރާމާތު ކުރުމަށްފަހު ޓާޝަރީ ފެންވަރުގައި މިމަހުގެ 16 ވަނަ ދުވަހު ހުޅުވަން ތައްޔާރުވެއްޖެ އެވެ.

ޖުމްހޫރީ ދުވަހުގެ ރަސްމީ ޖަލްސާގައި ރޭ ވާހަކަ ދައްކަވަމުން، ރައީސް ޑރ. މުހައްމަދު މުއިއްޒު ވިދާޅުވީ، ދަރުމަވަންތަ ހޮސްޕިޓަލަކީ ހޮހޮޅައެއް ކަމަށް ބައެއް ފަރާތްތަކުން ކުރިން ބުނެ އެތަނުގެ ފުރިހަމަ ބޭނުން ނުކުރި ކަމަށެވެ.

އެގޮތުން ވޭތުވެދިޔަ ފަސް އަހަރު އެތަނުގެ ބޮޑުބައެއް އެއްވެސް ބޭނުމެއް ނުކޮށް ހުރުމުގެ މެޝިނަރީތައް ހަލާކުވެ، މަރާމާތައް ވަރަށް ބޮޑު ހޭދައެއް ކުރަން ޖެހުނު ކަމަށެވެ.

Advertisement

ދަރުމަވަންތަ ހޮސްޕިޓާ އިމާރާތަކީ ކުރީގެ ރައީސް އަބްދުالله ޔާމީން އަބްދުލްގައްޔޫމްގެ ވެރިކަމުގައި ނިންމި މަސައްކަތެކެވެ.

25 ފަންގިފިލާގެ އެ އިމާރާތް، ނިމިދިޔަ އެމްޑީޕީގެ ސަރުކާރުގައި ބޭނުންނުކޮށް ދުވަސްތަކެއް ވަންދެން ބެހެއްޓުމަށްފަހު، ކޮވިޑް ތެރޭގައި ބައެއް ފަންގިފިލާ ތަކުގެ ބޭނުން ކުރިއެވެ. ނަމަވެސް އެ ތަން ރަސްމީކޮށް ހުޅުވާފައެއް ނުވެއެވެ.