ޒުވާނުން ބޭނުންވާ ކަންކަން ކުރުމުގައި އަދުގެ ސަރުކާރުން ފަހަތަށް ނުޖެހޭނޭކަމަށް ރައީސުލްޖުމްހޫރިއްޔާގެ ނައިބު ހުސައިން މުޙައްމަދު ލަތީފް ވިދާޅުވެއްޖެއެވެ.

ނެޝަނަލް އާޓް ގެލަރީގައި މިއަދު ފެށި "ޝޭޑްސް އޮފް މައިންޑް" ކުރެހުމުގެ މަޢުރަޒު ހުޅުވުމުގެ ރަސްމިއްޔާތުގައި ވާހަކަދައްކަވަމުން ނައިބުރައީސް ވިދާޅުވީ ޒުވާނުން ބޭނުންވާ ކަންކަމުގައި މި ސަރުކާރުން ފުރިހަމައަށް ތާއީދުކޮށް އެއްބާރުލުން ދޭނޭކަމުގެ ޔަގީންކަން ދޭކަމަށެވެ. 

ސަރުކާރުގެ މެނިފެސްޓޯގައި ޒުވާނުންގެ ކުރިއެރުމަށް ކަންތައްތަކެއް ހުރިކަން ފާހަގަކުރައްވަމުން ނައިބުރައީސް ވިދާޅުވީ، ޒުވާނުން ބާރުވެރިކުރުވުމަށް ކުރެވެން ހުރި ކަންތައްތައް ސަރުކާރުން ކުރާނޭކަމަށެވެ. ނައިބު ރައީސް ވިދާޅުވީ ޒުވާނުންގެ ކުރިމަގު ހަނިކޮށް ދަތިކުރާ ކަންކަމަށް ފުރުސަތު ނުދިނުމަށް އިލްތިމާސްކުރާ ކަމަށެވެ.

Advertisement

"ޝޭޑްސް އޮފް މައިންޑް މައުރަޒު

"ޝޭޑްސް އޮފް މައިންޑް" މި މައުރަޒަކީ ނަފްސާނީ ދުޅަހެޔޮކަމަށް މީހުން ހޭލުންތެރިކުރުމަށާއި، އެކަމުގެ ޝުއޫރުތައް ދައްކުވައިދިނުމަށް ޒުވާނުންގެ ކުރެހުންތައް ހިމެނޭ މައުރަޒެެވެ.

"ޝޭޑްސް އޮފް މައިންޑް މައުރަޒު

މި މައުރަޒާ ގުޅޭގޮތުން ޒުވާނުންގެ ވަޒީރު އިބްރާޙިމް ވަޙީދު ވިދާޅުވީ، މި މައުރަޒަށް ޒުވާނުންގެ ފަރާތުން އެކަށީގެންވާ ތަރުހީބެއް ލިބިގެންގޮސްފައިވާކަމަށެވެ. މައުރަޒުގައި ހިމެނޭ ކުރެހުންތައް ވިއްކައިގެން ލިބޭ ހުރިހާ ފައިސާއެއް ލިބޭނީ އާޓިސްޓުންނަށް ކަމަށްވެސް ވަޒީރު ވިދާޅުވިއެވެ.

އާޓްގެލަރީގައި މި މައުރަޒު ކުރިއަށްދާނީ ނެޝަނަލް އާޓް ގެލަރީގައި މިމަހުގެ 17 ވަނަ ދުވަހުގެ ނިޔަލަށެވެ.