2025 ވަނަ ދިރާސީ އަހަރު ގްރޭޑް 1 އަށް ދަރިވަރުން ވެއްދުމުގެ މުއްދަތު ހަމަވުމުގެ ކުރިން ފޯމް ހުށަހެޅުއްވުމަށް ތައުލީމާއި ބެހޭ ވުޒާރާއިން އިލްތިމާސްކޮށްފިއެވެ.

އެ ވުޒާރާއިން ބުނީ، މާލޭ ސަރަޙައްދުގެ ސަރުކާރު ސްކޫލުތަކުގެ ގްރޭޑް 1 އަށް ދަރިވަރުން ވެއްދުމަށް ހުޅުވާލާފައިވާ މުއްދަތުގައި ގިނަ އަދަދެއްގެ ދަރިވަރުން ފޯމް ހުށަހަޅާފައިވީ ނަމަވެސް، ފޯމް ހުށަހެޅުމުގެ މުއްދަތު ހަމަވާން ބާކީ 2 ދުވަހަށް ވެފައިވާއިރު، މަދު އަދަދެއްގެ ދަރިވަރުންގެ އެޕްލިކޭޝަން ފޯމްތައް ލިބިފައިނުވާކަމަށެވެ.

ފޯމް ހުށަހެޅުމުގެ ދެވަނަ ފުރުޞަތަކަށް ހުޅުވާލަން ޖެހޭ ހާލަތެއް މެދުވެރިވެއްޖެނަމަ، އެ ކުދިންނަށް ޖާގަ ދެވޭނީ ފުރަތަމަ ފޯމް ހުށަހެޅި ކުދިންނަށް ޖާގަދިނުމަށް ފަހުގައި ކަމަށާއި، މި ހާލަތުގައި އެ ކުދިންނާ އެއް ޢާއިލާއެއްގެ ކުދިން އުޅޭ ސްކޫލުތަކުން ޖާގަ ނުލިބުމުގެ ފުރުޞަތު ބޮޑުވާނެ ކަމަށް ތައުލީމާއި ބެހޭ ވުޒާރާއިން މައުލޫމާތުދެއެވެ.

އެހެންކަމުން، އެ ވުޒާރާއިން ވަނީ، ދަރިވަރުން ސްކޫލަށް ވެއްދުމުގެ މަސައްކަތް ހަލުވިކަމާއެކު ކުރިއަށް ގެންދިއުމަށްޓަކައި، ސުންގަޑިއަށް ހާއްސަ ސަމާލުކަމެއް ދެއްވައިގެން، މާލޭ ސްކޫލުތަކުގެ ގްރޭޑް 1 އަށް ދަރިވަރުން ވައްދަން ޖެހޭ ބެލެނިވެރީން، ވީހާވެސް އަވަހަށް އެޕްލިކޭޝަންތައް ހުށަހެޅުއްވުމަށް އިލްތިމާސްކުރައްވާފައެވެ.

ފޯމް ހުށަހެޅުމުގެ ސުންގަޑި އަކީ 15 ނޮވެންބަރު 2024 ކަމަށްވާއިރު، https://myoffice.moe.gov.mv/forms/id/2 މެދުވެރިކޮށް ފޯމް ހުށަހެޅޭނެއެވެ.