މި ސަރުކާރުން އަދި ވެރިކަންކުރާ ޕާޓީގެ މަޖިލިސް މެންބަރުންވެސް މަސައްކަތް ކުރައްވަނީ، ހައްގުވެރިންނަށް އެ ހައްގެއް ދާއިމީކޮށް ލިބޭނެ މަގުފަހިކޮށްދެއްވުމަށް ކަމަށް، ހެންވޭރު ދެކުނު ދާއިރާގެ މެންބަރު ހުސައިން އިމްރާން⁩ ލަތީފް (އިއްމު) ވިދާޅުވެއްޖެއެވެ.

މަޖިލީހުގެ މިއަދުގެ ޖަލްސާގައި، ދައުލަތުގެ ބަޖެޓަށް ބަހުސް ކުރައްވަމުން ޢިމްރާން ވިދާޅުވީ، އާސަންދަ އާއި އެންސްޕާ ރިފޯމް ކުރުމަކީ ދުނިޔޭގެ މާލީ އިދާރާތަކުންވެސް އެތައް ޒަމާނެއް ވަންދެން ކުރަން ބުނަމުން އައި ކަންކަން ކަމަށާ އެއީ ފަސޭހަ ކަމެއް ނޫންކަމަށެވެ.

މީގެ އިތުރުން އޭނާ ވިދާޅުވީ، 65 އަހަރުން މަތީގެ މީހުންނަށް ދެވޭ އެލަވަންސް  ދޭ ގޮތް ބަދަލު ވެގެންދާނީވެސް އަންނަ އަހަރުގެ އޭޕްރީލްގެ ފަހުން ކަމަށެވެ. 

Advertisement

އިމްރާން ވިދާޅުވީ، ސަރުކާރުން ދޭ އެހީތައް ލިބެންޖެހޭނީ އޭގެ ހައްގުވެރި ފަރާތަށް ކަމަށެވެ. 

އެގޮތުން އިމްރާން ވަނީ އާސަންދައާއި އެންސްޕާއަށް ކަނޑައަޅާ ބަޖެޓް މަދު މަސްތަކެއްގެ ތެރޭގައި ހުސްވާކަން ފާހަގަކުރައްވައި، އެހެން އެކަން ވާން ބޭނުން ނުވާކަމަށް ވިދާޅުވެފައެވެ. އަދި ވަށާޖެހޭ ގޮތަކަށް ބޭނުން ޖެހިފައިވާ ފަރާތްތަކަށް އެއްވެސް ދަތިކަމެއް ނެތި، އެހީ ލިބޭނެ މަގު ތަނަވަސް ކޮށްދިނުމަކީ ސަރުކާރުގެ މަގުސަދު ކަމަށްވެސް ވިދާޅުވިއެވެ.