ޓާޝިއަރީ ފެންވަރަށް ތަރައްޤީކުރުމަށްފަހު ރައީސުލްޖުމްހޫރިއްޔާ ޑރ.މުހައްމަދު މުއިއްޒު، ދަރުމަވަންތަ ހޮސްޕިޓަލް ރަސްމީކޮށް ހުޅުވައިދެއްވައިފިއެވެ.
ދަރުމަވަންތަ ހޮސްޕިޓަލް ރަސްމީކޮށް ރައީސް ޑރ.މުއިއްއްޒު ރަސްމީކޮށް ހުޅުވައިދެއްވާފައިމިވަނީ 6 އަހަރެއްހާ ދުވަސްވަންދެން އެތަނުގެ ބައެއް ހިދުމަތްތައް ހުއްޓި ހުރުމަށްފަހު، މިދިޔަ ދުވަސްތަކުގައި އެތަން ޓާޝިއަރީ ފެންވަރަށް ގެނެސް ހުޅުވުމަށް ކުރެވުނު ގިނަ މަސައްކަތްތަކަކަށްފަހުއެވެ.
މިކަމަށްޓަކައި މިރޭ ދަރުމަވަންތަ ހޮސްޕިޓަލް ރަސްމީކޮށް ހުޅުވުމަށް ބޭއްވި ރަސްމިއްޔާތުގައި ހޮސްޕިޓަލްގެ ރަޖިސްޓްރީއާ ހިންގުމުގެ ހުއްދަ ރަސްމީކޮށް ވަނީ ހަވާލުކޮށްފައެވެ.
ހޮސްޕިޓަލްގެ ރަޖިސްޓްރީއާ ހިންގުމުގެ ހުއްދަ ރަސްމީކޮ ހަވާލުކުރުމުގެ ތެރެއިން.. ފޮޓޯ/ ރައީސް އޮފީސް
ދަރުމަވަންތަ ހޮސްޕިޓަލަކީ ރައީސް ޔާމިނުގެ ވެރިކަމުގައި ތަރައްޤީކުރި ހޮސްޕިޓަލެކެވެ. ނަމަވެސް ވޭތުވެދިޔަ އަހަރުތަކުގައި އެ ހޮސްޕިޓަލުގެ ބޭނުން ކޮށްފައެއް ނުވެއެވެ. މި ރަސްމިއްޔާތުގައި ވާހަކަދައްކަވަމުން ހެލްތު މިނިސްޓަރު ޢަބްދުﷲ ނާޒިމް ވިދާޅުވީ މިދިޔަ އަހަރުތަކުގައި ދަރުމަވަންތަ ހޮސްޕިޓަލުގެ ގިނަ ފަންގިފިލާތައް ބޭނުންކޮށްފައިވަނީ ގުދަނުގެ ގޮތުގައެވެ.
ހޮސްޕިޓަލްގެ ބައެއް މުހިއްމު ތަންތަން ބޭނުންނުކުރުމުގެ ސަބަބުން މެޝިނަރީސްތައް ހަލާކުވެފައިވާކަން ފާހަގަކުރތައްވަމުން މިނިސްޓަރު ވިދާޅުވީ، ދަރުމަވަންތަ ހޮސްޕިޓަލް އައު ހިދުމަތްތަކާއެކު ފެށުމަށް ބޮޑު ހޭދަތަކެއްވެސް ކުރަން ޖެހުނު ކަމަށެވެ.
ދަރުމަވަންތަ ހޮސްޕިޓަލް ޓާޝިއަރީ ފެންވަރަށް ތަރައްޤީކުރުމަށްފަހު މިރޭ ހުޅުވިއިރު، އެ ހޮސްޕިޓަލުގައި ހައިބްރިޑް ކެތްލެބަކާއި، ކުޑަކުދިންނަށް ފަރުވާދިނުމަށް ހާއްސަ އިމަޖެންސީ ރޫމެއް ވަނީ ގާއިމްކޮށްފައެވެ.
އައިީއެމްއެޗް ކައިރީ ދަރުމަވަންތަ ހޮސްޕިޓަލްގެ 25 ފަންގިފިލާގެ މި ހޮސްޕިޓަލް ތަރައްޤީކުރުމަށް ވަނީ 200 މިލިއަނަށްވުރެ ގިނަ ޑޮލަރު ހޭދަކޮށްފައެވެ.
Advertisement
This content is created and paid for by advertisers and does not involve Voice Journalists
