މޫސުން ގޯސްވާނެކަމަށް ލަފާކޮށް، މޫސުމާއި ބެހޭ އިދާރާ (މެޓް އޮފީސް) އިން ބ އަތޮޅުން ފެށިގެން ވ އަތޮޅަށް ރީނދޫ ސަމާލު ނެރެފިއެވެ.

މިއަދު ހެނދުނު 8:50 އިން މިއަދު މެންދުރު 13:00 އާއި ހަމައަށް މި ސަރަހައްދަށް ރީނދޫ ސަމާލު ނެރެފައިވާއިރު، އެ އިދާރާއިން ބުނީ، ބޯކޮށް ވާރޭވެހި ގުގުރުމާއިއެކު ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެކަމަށް ލަފާކުރާކަމަށެވެ.

ހަމައެއާއިއެކު، ވ އަތޮޅުން ފެށިގެން އައްޑޫ ސިޓީއަށް ނެރެފައިވާ ހުދު ސަމާލުވެސް މެޓް އޮފީހުން ވަނީ ދަންމާލާފައެވެ.

މިގޮތުން މިއަދު ހެނދުނު 10:00 އިން މިއަދު މެންދުރު 13:30 އަށް މި ސަރަހައްދުތަކަށް ހުދު ސަމާލު ނެރެފައިވާއިރު، ބޯކޮށް ވާރޭ ވެހި ގުގުރާނެކަމަށް ވަނީ ލަފާކޮށްފައެވެ.