މި ސަރުކާރަށްވީ އެއް އަހަރު ދުވަހުގެ ތެރޭގައި، ދިވެހިރާއްޖެ 10 އަހަރު ފަހަތަށް ސޮއްސާލައިގެން ގޮސްފައިވާ ކަމަށް އެމްޑީޕީގެ ޗެއަރޕަރސަން ފައްޔާޒް އިސްމާއިލް ވިދާޅުވެެއްޖެއެވެ.
ރާއްޖެޓީވީގެ ޕްރޮގްރާމެއްގައި ވާހަކަދައްކަވަމުން ފައްޔާޒް ވިދާޅުވީ، ފެންނަމުންދަނީ އެއް އަހަރު ދުވަހުގެ ތެރޭގައި، ފާއިތުވި 30 އަހަރުގައި ރާއްޖެއިން ހޯދި ކުރިއެރުންތައް ފަހަތަށް ދާތަން ކަމަށެވެ.
ވޭތުވެދިޔަ ތިރީހަކަށް އަހަރު މިގައުމު ހޯދާފައިހުރި ކުރިއެރުންތައް އެތައް ގުނައެއް ފަހަތަށް ދާތަން އިނގޭތޯ… އަޅުގަނޑުމެންނަށް ގެއްލިގެންދިޔަ އެއް އަހަރެއްވެސް ނޫން މީކީ އިނގޭތޯ؟ އަޅުގަނޑުމެން ފަހަތަށް ސޮއްސާލައިގެން، ބޮޑުތަނުން، ދިވެހިރާއްޖޭގެ އެކިއެކި ސަރުކާރުން… އަޅުގަނޑުމެންނާ އިދިކޮޅު ސަރުކާރު ތަކުންވެސް، ހޯދާފައިހުރި ކާމިޔާބީތައް ހަމަ ރޯލް ބެކް ވެގެން މިދިޔައީ ވަރަށް ބޮޑަށް ފަހަތަށް.
ފައްޔާޒު އިސްމާއީލް
ފައްޔާޒު އިތުރަށް ވިދާޅުވީ، މިސަރުކާރުން ކަންކުރަމުން އަންނަ ގޮތުން، ރާއްޖޭގެ އިގްތިޞާދާއި އެހެނިހެންވެސް ދިވެހިންނަށް ކަޝަވަރު ކޮށްދީފައުވާ ކަންކަމަށް ވާނެ ގޮތް ނޭނގޭ ކަމަށާ، ފެނިގެން ދިޔައީ ހުދުމުހުތާރު ކަން ފެށިގެންދިޔަ އެއް އަހަރު ކަމަށެވެ.
ދިވެހި ރައްޔިތުންނަށާއި ދިވެހި ރާއްޖެއަށް ގެއްލިގެންދިޔަ 10 ވަރަކަަށް އަހަރުގެ ގޮތުގައި އަޅުގަނޑަށް މި ސިފަވަނީ
ފައްޔާޒު އިސްމާޢީލް
މިއާއެކު ފައްޔާޒް ވަނީ މި ސަރުކާރުން ކަންކަން ނިންމާ އިރު މަޝްވަރާ ނުކުރާ ކަމަށާއި މިއީ ޚުދުމުހުތާރު ސަރުކާރެއް ކަމަށް ވިދާޅުވެފައެވެ. އަދި ސަރުކާރުގެ ވިސްނުމަކީ ރައްޔިތުން ފެލާލުން ކަމަށްވެސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
