މިދިޔަ މަހު ޒަކާތު ފަންޑުން ބޭސްފަރުވާއަށް 5 ލައްކައަށްވުރެ ގިނަ ރުފިޔާ ޚަރަދުކޮށްފިއެވެ.

މިދިޔަ އޮކްޓޫބަރު މަހު ފަޤީރުންނާއި މިސްކީނުންނަށް ބޭސްފަރުވާގެ އެހީ ދީފައިވާގޮތުގެ ތަފާސްހިސާބު ޒަކާތު ހައުސް އިން އާއްމުކޮށްފައިވާއިރު، މައިގަނޑު 5 ކަމަކަށް ޒަކާތު ފަންޑުން އެހީ ދީފައިވެއެވެ.

ޖުމުލަ 124 މީހަކަށް ޒަކާތު ފަންޑުން އެހީތެރިކަން ފޯރުކޮށްދީފައިވާއިރު، އެންމެ ބޮޑު ޚަރަދެއް ކޮށްފައިވަނީ ކެންސަރަށް ފަރުވާ ހޯދާ މީހުންނަށެވެ.  

މި މަހު ޒަކާތު ފަންޑުން ޚަރަދުކޮށްފައިވާ މިންވަރު:

1) ކެންސަރަށް ފަރުވާކުރުމަށް 348،037 ރުފިޔާ

2) ކިޑްނީ ބަލިތަކަށް 80،569 ރުފިޔާ

3) ސިކުނޑީގެ އޮޕަރޭޝަންތަކަށް 33،924 ރުފިޔާ

4) ހިތުގެ އޮޕަރޭޝަންކުރުމަށް 33،924 ރުފިޔާ

5) ޓްރާންސްޕްލާންޓް ހެދުމަށް 25،443 ރުފިޔާ

7) އެހެނިހެން ބަލިތަކަށް 470،696 ރުފިޔާ  

ތަފާސްހިސާބުތަކުން ދައްކާގޮތުގައި، މިދިޔަ މަހު ޒަކާތު ފަންޑުން ޖުމްލަ 529،702 ރުފިޔާ ޚަރަދުކޮށްފައިވާއިރު، އެމަހުގެ ތެރޭގައި އެހީގެ ގޮތުގައި ދިނުމަށް ނިންމާފައިވަނީ ޖުމްލަ 992،594 ރުފިޔާއެވެ.

ހަމައެއާއިއެކު، އިދާރީ މުވައްޒަފުންގެ އުޖޫރައިގެގޮތުގައި 252،722.24 ރުފިޔާ ހޭދަކޮށްފައިވާއިރު، ރާއްޖޭން ބޭރަށް ކުރާ ދަތުރުތަކަށް 92،363 ރުފިޔާ ކަނޑައަޅާފައިވެއެވެ.