ބަންގްލަދޭޝްގައި ޑެންްގީ ހަލުވިކަމާއިއެކު ފެތުރި، 400 އަށް ވުރެ ގިނަ މީހުން މަރުވެއްޖެއެވެ.
އެގައުމުގެ ތަފާސްހިސާބުތަކުން ދައްކާ ގޮތުގައި، މިހާތަނަށް 407 މީހުން މަރުވެފައިވާއިރު، މިއަހަރު އެކަނިވެސް 78,595 މީހުން ވަނީ ފަރުވާއަށްޓަކައި އެނދުމަތިކޮށްފައެވެ.
އެގައުމަށް މިހާރު ކުރަމުންދާ މޫސުމީ ވިއްސާރައިގެ ސަބަބުން މަދިރި އާލާވާތީ، މި ބަލި ހަލުވި ކަމާއިއެކު ފެތުރުމަށް ވަނީ މަގުފަހިވެފައެވެ.
މިއާއިއެކު، އެގައުމުގެ ސިއްހީ މާހިރުން ވަނީ މަދިރިން ރައްކާތެރިވުމަށްޓަކައި އަޅަން ޖެހޭ އެންމެހައި ފިޔަވަޅުތައް އަޅައި، މަދިރި އާލާވާ ތަންތަން ނައްތާލުމަށް މަސައްކަތްކުރުމަށް އިލްތިމާސްކޮށްފައެވެ.
އެގައުމުގައި މިދިޔަ އަހަރުވެސް ޑެންގީ ބަލި ފެތުރި، 321,000 މީހުންނަށް ވަނީ ބަލިޖެހި، 1,705 މީހުން ވަނީ މަރުވެފައެވެ.
Advertisement
This content is created and paid for by advertisers and does not involve Voice Journalists
