ހުޅުމާލޭގައި މޫދަށް އެރި އުޅުނު ކުއްޖަކަށް ޖިންސީ ގޯނާ ކުރި ކަމަށް ތުހުމަތުވާ މައްސަލައެއް ފުލުހުން ބަލަން ފަށައިފިއެވެ.

ފުލުހުން ބުނީ ހުޅުމާލެގައި މޫދަށް އެރި އުޅުނު ކުޑަކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއް ފުލުހުން ތަހުގީގު ކުރަމުންދާ ކަމަށެވެ. އަދި މި މައްސަލަ ރިޕޯޓުކޮށްފައިވަނީ މި މަހުގެ 15 ވަނަ ދުވަހު ކަމަށެވެ. 

މި މައްސަލައާ ގުޅޭ އިތުރު ތަފްސީލެއް މިހާތަނަށް ފުލުހުން ހާމަކޮށްފައެއް ނުވެއެވެ. 

Advertisement

މި ހާދިސާ ހިނގާފައިވާކަން ހާމަކޮށް މީސްމީޑިއާގައި މީހަކު ބުނެފައިވަނީ، ތުހުމަތު ކުރެވޭމީހާ ވަނީ މޫދަށް އެރި ތިބި ކުދިންގެ ނުރުހުމުގައި އެކުދިން ގައިގައި އަތްލާން މަސައްކަތް ކޮށްފައެވެ. އަދި އެކަން ”ފަޅާއެރުމުން“، ފިރިހެން މީހާ ޕޮލިހުންނާ ވެސް ހަވާލު ކުރިކަމަށެވެ.

މައްސަލާގައި ތުހުމަތުވާ މީހާއަކީ އަދި ހުޅުމާލެ މޫދުގައި އުޅޭ އެހެން ކުދިންގެ ކައިރީގައި ވެސް އެކަހެރި ހިސާބުތަކަށް ދާން ބުނެ ކިޔާ މީހެއް ކަމަށް އެ މީސްމީޑިއާ ޕޯސްޓުގައިވެއެވެ.