ރާއްޖޭގެ ސަރަހައްދީ އިންތައް ހިމާޔަތްކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ކުރައްވަމުން ގެންދަވާ މަސައްކަތްޕުޅުތަކަށް ޑިފެންސް މިނިސްޓަރ ޣައްސާން މައުމޫން ސާބަސްދެއްވައިފިއެވެ.

ޣައްސާން މިހެން ވިދާޅުވީ، ގާނޫނު އަސާސީއަށް އިއްޔެ ގެނެވުނު އިސްލާހުތަކާއި ގުޅިގެން ރައީސް މުޢިއްޒު އާއްމު ކުރެއްވި ވީޑިއޯ ރިޕޯސްޓް ކުރައްވައި އެކްސްގައި ކިރެއްވި ޕޯސްޓެއްގައެވެ. 

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ރޭ ދެއްވި ވީޑިއޯ މެސެޖެއްގައި ވިދާޅުވެފައިވަނީ ރާއްޖޭގެ ސަރަޙައްދަށް ބަދަލެއް ގެންނަ ނަމަ މީގެ ކުރިން އޮންނަނީ، ރައްޔިތުންގެ މަޖިލީހުގެ ތިންބައިކުޅަ ދެބައިގެ އަޣްލަބިއްޔަތުން ފާސްވުން ކަމަށެވެ. ނަމަވެސް އިއްޔެ ގެނައި އިޞްލާޙާއެކު އެކަން އިތުރަށް ވަރުގަދަވެ، ރައްޔިތުންގެ މަޖިލީހުގެ ހަތަރުބައިކުޅަ ތިންބައިގެ ތަނަވަސް އަޣްލަބިއްޔަތަކުން ފާސްކުރަން ޖެހޭގޮތަށް ކަނޑައެޅުނު ކަމަށް ރައީސް ވިދާޅުވިއެވެ.

Advertisement

މީގެއިތުރުން ރައީސް މުޢިއްޒު ވިދާޅުވެފައިވަނީ މި އިޞްލާޙާއެކު ރާއްޖޭގެ ކަނޑުގެ ސަރަޙައްދު އެކްސްކުލޫސިވް އިކޮނޮމިކް ޒޯން (އީ.އީ.ޒެޑް) އާ ހަމައަށް ކަނޑައެޅޭނެ ކަމަށާއި އެގޮތަށް ކަނޑައަޅާ ސަރަޙައްދަކަށް ބަދަލު ގެނެވޭނީވެސް ރައްޔިތުންގެ މަޖިލީހުގެ ހަތަރުބައިކުޅަ ތިންބައިގެ ވޯޓު ލިބި، އޭގެ އިތުރަށް ރައްޔިތުންގެ ފެންނަ ނުފެންނަ ވޯޓެއްވެސް ނަގައިގެން ކަމަށެވެ.

މި އިޞްލާޙަކީ ރާއްޖޭގެ ސަރަޙައްދީ ސަލާމަތާއި މިނިވަންކަން އިތުރަށް ހިމާޔަތްކުރުމަށް އެޅުނު މުހިންމު ފިޔަވަޅެއްގެ ގޮތުގައި ގިނަ ފަރާތްތަކުން ފާހަގަކުރަމުންދާ ކަމެކެވެ.

އެކަމާއި ގުޅިގެން ޣައްސާން މައުމޫން އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ދިވެހިރާއްޖޭގެ މިނިވަންކަމާއި ސިޔާދަތާއި އިސްތިޤްލާލާއި ސަރަހައްދީ އިންތައް ހިމާޔަތްކޮށް ރައްކާތެރިކުރުން ކަށަވަރު ކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ކުރައްވާ މަސައްކަތްޕުޅުތަކަށް އަސާސީ ބަހާއި ސާބަސް ޝުކުރުގެ އުންމުގުން ދަންނަވާ ކަމަށެވެ.