ތަވްހީދުގެ މައްޗަށް އަލިއަޅުވާލައި، އަލް ޢަސްރުން ކުރިއަށް ގެންދިޔުމަށް ނިންމާފައިވާ އައްޑަނަ ވޯކްޝޮޕްގައި ބައިވެރިވުމުގެ ފުރުޞަތު ހުޅުވާލައިފައިވާ ކަމަށް އެ ޖަމިއްޔާއިން ބުނެފިއެވެ.
15 އަހަރާއި 20 އަހަރުގެ މީހުންނަށް އަމާޒުކޮށްގެން ކުރިއަށް ގެންދާ މި ވޯކްޝޮޕް އޮންނާނީ މި މަހުގެ 28 އިން 30ގެ ނިޔަލަށް ކަމަށް އަލް ޢަސްރުން ބުނެއެވެ.
އަދި މި ވޯކްޝޮޕް ގައި ކިޔަވައިދެއްވާނީ ދީނީ ޢިލްމުވެރިޔާ އައްޝެއިޚު ސާޖިދު މުހައްމަދު އާއި އައްޝައިޚް ހަސަން ފައިޞަލް ކަމަށްވެސް ބުނެފައިވެއެވެ.
މި ވޯކްޝޮޕް މެދުވެރިކޮށް ބައިވެރިންނަށް ތަވްހީދާއި ގުޅުން ހުރި ގިނަ ކަންކަން އުނގަންނައި ދެވިގެންދާނެ ކަމަށް އަސްރުން ފާހަގަކޮށްފައިވެއެވެ.
އަދި ރަސޫލާ ޞައްލައްالله ޢަލައިހި ވަސައްލަމް ގެ ރިސާލަާއިމެދު އުފައްދާ ސުވާލުތަކާއި މެދު ޢިލްމީ ނަޒަރަކުން ޖަވާބުދެވިގެންދާނެ ކަަމަށްވެސް ބުނެފައިވެއެވެ.
މި ވޯކްޝޮޕް ގައި ބައިވެރިވާން ބޭނުންވާ ފަރާތްތަކުން، ތިރީގައިވާ މަޢުލޫމާތުތައް 7925277 އަށް އެސްއެމްއެސް ކުރުމަށް އަލް އަސްރުން އެދެއެވެ.
- ނަން
- އުމުރު
- ގުޅޭނެ ނަންބަރު
- އީމެއިލް އެޑްރެސް
މީގެ ކުރިންވެސް އަސްރުން ވަނީ އައްޑަނަ ވޯކްޝޮޕެއް ކުރިއަށް ގެންގޮސްފައެވެ. އެ ވޯކްޝޮޕްގައި އަޑުއެހުމުގެ ނުކުޅެދުންތެރިކަން ހުންނަ ދަރިވަރުންވެސް ވަނީ ބައިވެރިވެފައެވެ.
Advertisement
This content is created and paid for by advertisers and does not involve Voice Journalists
