ގއ. ކަނޑުހުޅުދޫ ގައި ހިނގި މާރާމާރީއެއްގައި ސީރިއަސް ޒަޚަމްތަކެއްވެ ދެމީހަކަށް ފަރުވާދޭން ފަށައިފިއެވެ. 

ފުލުހުން ބުނީ، ކަނޑުހުޅުދޫގައި ދެމީހެއްގެ ދެމެދުގައި މާރާމާރީއެއް ހިނގި މައްސަލަ ރޭ 21:37 ގައި ރިޕޯޓް ކޮށްފައިވާ ކަމަށެވެ. 

އަދި މި މާރާމާރީގައި ދެމީހުންނަށްވެސް އަނިޔާވެފައިވާ ކަމަށާ، އެ ދެމީހުންނަށް ގއ އަތޮޅު ހޮސްޕިޓަލުގައި ފަރުވާދެމުންދާ ކަމަށެވެ. އެއީ 37 އަހަރުގެ ދިވެހި ފިރިހެނަކާއި، 40 އަހަރުގެ ދިވެހި ފިރިހެނެއް ކަމަށް ފުލުހުން މައުލޫމާތު ދެއެވެ. 

Advertisement

ދެމީހުންގެ ތެރެއިން އެކެއްގެ ބޮލަށް ބޮޑެތި ސީރިއަސް އަނިޔާތަކެއް ވަނީ ލިބިފައެވެ. 

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.